(ពិភពលោក)៖ នៅថ្ងៃសុក្រ ទី១២ ខែតុលា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ទើបធ្លាក់យន្តហោះពិឃាតប្រភេទថ្មី F-35 មួយគ្រឿង អាមេរិកនិងដៃគូសម្រេចផ្អាកប្រតិបត្តិការយន្តហោះប្រភេទនេះទាំងអស់តែម្តង។
២៖ ឧទ្ធម្ភាគចក្រទំនើបបំផុតរបស់រុស្ស៊ី នឹងត្រូវអភិវឌ្ឍន៍រួចជាស្ថាពរនៅចុងឆ្នាំ២០១៨នេះ។
៣៖ ជប៉ុនពន្យារពេលចុះចតយានលើអាចម៍ផ្កាយ Ryugu ដោយសារតែស្ថានភាពលំបាកលើសការរំពឹងទុក។
៤៖ អ្នកវិទ្យាសាស្ត្រអភិវឌ្ឍន៍កាមេរ៉ាមួយប្រភេទ ដែលអាចថតរូបបានលឿនជាទីបំផុតដល់ទៅ១០ទ្រីលាន Frame ក្នុងមួយវិនាទី។
៥៖ វ៉ាស៉ីនតោន ក្លាយជារដ្ឋអាមេរិកទី២០ ដែលហាមមិនឲ្យមានការកាត់ទោសប្រហារជីវិត។
៦៖ អតីតប្រធានាធិបតីកូរ៉េខាងត្បូង Lee Myung-bak ត្រៀមប្តឹងឧទ្ធរណ៍ ក្រោយតុលាការបានសម្រេចកាត់ទោសលោកដាក់ពន្ធនាគារ១៥ឆ្នាំ ពីបទពុករលួយ។
៧៖ ព្យុះហឺរីខិនកំណាច Michael ទីបំផុតចេញផុតទៅដល់មហាសមុទ្រអាត្លង់ទិច តែបន្សល់ទុករូបភាពនៃការបំផ្លិចបំផ្លាញយ៉ាងធ្ងន់ធ្ងន់ នៅភាគអាគ្នេយ៍នៃសហរដ្ឋអាមេរិក ជាពិសេសនៅរដ្ឋផ្លូរីដា និងបណ្តាលឲ្យមនុស្សយ៉ាងតិច១១នាក់ស្លាប់។
