(ពិភពលោក)៖ នៅថ្ងៃពុធ ទី០៣ ខែតុលា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍ រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ផ្ទុះភ្នំភ្លើងនៅលើកោះ Sulawesi ទីដែលទើបរងគ្រោះរញ្ជួយដី និងស៊ូណាមិដែលផ្តាច់ជីវិតមនុស្ស ១,៤០៧នាក់៕
២៖ មន្រ្តីជាន់ខ្ពស់មួយរូបនៅវិមានក្រឹមឡាំងបានបង្ហើបឲ្យដឹងថា ការចុះហត្ថលេខាលើកិច្ចព្រមព្រៀង ស្តីពីការប្រគល់ប្រព័ន្ធខែលការពារមីស៉ីល S-400 ទៅឲ្យរដ្ឋាភិបាលទីក្រុងញូដេលី នឹងត្រូវធ្វើឡើងនាអំឡុងដំណើរបំពេញទស្សនកិច្ច នៃប្រធានាធិបតីរុស្ស៉ីលោក វ៉្លាឌីមៀ ពូទីន ទៅកាន់ប្រទេសឥណ្ឌានាសប្តាហ៍នេះ៕
៣៖ នាខែក្រោយអាចម៍ផ្កាយមានរូបរាងយ៉ាងចម្លែកមួយ ប្រៀបដូចជាក្បាលខ្មោច នឹងត្រូវបានហោះឆ្លងកាត់ភពផែនដី ក្នុងគម្លាតមួយយ៉ាងកៀកមិនធ្លាប់មាន ប៉ុន្តែនឹងមិនបង្កការភ័យខ្លាចអ្វីមួយនោះឡើយ៕
៤៖ មេដឹកនាំមីយ៉ាន់ម៉ាលោកស្រី អោងសាន ស៊ូជី បានក្លាយជាមនុស្សដំបូងគេបំផុត ដែលត្រូវបានគេលុបចោលសញ្ជាតិ កតិ្តយសជាពលរដ្ឋកាណាដា នៅថ្ងៃអង្គារសប្ដាហ៍នេះ សម្រាប់ភាពអសកម្មរបស់លោកស្រីក្នុងការទប់ស្កាត់អំពើហិង្សាប្រឆាំងនឹង ជនជាតិដើមភាគតិច រ៉ូហ៊ីងយ៉ា នៅក្នុងប្រទេសមីយ៉ាន់ម៉ា៕
៥៖ ភរិយារបស់អតីតនាយករដ្ឋមន្រ្តីម៉ាឡោស៉ី ណាជីប រ៉ាហ្សាក់ គឺលោកស្រី រ៉ូស្មាហ៍ មែនសួរ (Rosmah Mansor) ត្រូវបានឃាត់ខ្លួនដោយអង្គភាពប្រឆាំងអំពើពុករលួយ MACC នៃប្រទេសម៉ាឡេស៉ី ហើយអាចនឹងរងការចោទប្រកាន់ជាផ្លូវការនាពេលឆាប់ៗ ពាក់ព័ន្ធនឹងរឿងអាស្រូវពុករលួយនៃមូលនិធិរដ្ឋ 1MDB៕
៦៖ អាជ្ញាធរពន្ធដារចិនបានឱ្យដឹងនៅថ្ងៃពុធនេះ កំពូលតារាសម្ដែងចិនអ្នកនាង ហ្វាន ពីងពីង (Fan Bingbing) ត្រូវបានបង្គាប់បង់ពន្ធចូលរដ្ឋវិញ និងពិន័យជាប្រាក់រាប់រយលានយ័នពីបទគេចពន្ធ៕
