(ពិភពលោក)៖ នៅថ្ងៃព្រហស្បតិ៍ ទី២៧ ខែកញ្ញា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ តុលាការចិនប្រហារជីវិតបុរសម្នាក់ ដែលមានទោសពីបទចាក់សម្លាប់សិស្សសាលាចំនួន០៩នាក់ យ៉ាងឃោរឃៅ។
២៖ ទីបំផុតសភាអាមេរិកអនុម័ត កញ្ចប់ថវិកាជាតិ៨៥៤ពាន់លានដុល្លារ ដើម្បីបញ្ចៀសកុំឲ្យរដ្ឋាភិបាលជាប់គាំងហើយបន្តដំណើរទៅមុខទៀត។
៣៖ រដ្ឋមន្រ្តីការបរទេសអាមេរិក សម្រេចថានឹងទៅធ្វើទស្សនកិច្ចនៅព្យុងយ៉ាង នៅខែក្រោយ បន្ទាប់ពីជួបពិភាក្សាជាមួយប្រមុខការទូតកូរ៉េខាងជើង នៅញូយ៉ក។
៤៖ ជនភៀសខ្លួនស៊ីរីជិត១.៥លាននាក់ ត្រូវគេអះអាងថា បានត្រឡប់ទៅប្រទេសកំណើតវិញ ក្រោយសង្គ្រាមបញ្ចប់នៅតំបន់មួយចំនួន។
៥៖ លោក ដូណាល់ ត្រាំ ថ្លែងបែបព្រមានថា លោក ស៊ី ជិនពីង អាចនឹងមិនមែនជាមិត្តរបស់ខ្ញុំទៀត។
៦៖ ស្រីលង្កាចាប់ខ្លួនមនុស្សប្រុសមួយចំនួន ដែលថតរូបស្រាតខោនៅឯទីសក្ការបូជា បង្ហោះលើ Facebook។
៧៖ សហរដ្ឋអាមេរិកបញ្ជាយន្តហោះទម្លាក់គ្រាប់បែក B-52 ចំនួន០៤គ្រឿង ឲ្យហោះឆ្វែលលើសមុទ្រចិនខាងត្បូង។
