(មេនឆេស្ទើ)៖ កីឡាករខ្សែប្រយុទ្ធជើងចាស់ Sergio Aguero បានព្រមព្រៀងបន្តកិច្ចសន្យារយៈពេល ៣ឆ្នាំទៀត ជាមួយ Manchester City ដែលនឹងផុតសុពលភាពរហូតដល់ឆ្នាំ២០២១ បន្ថែមលើកិច្ចសន្យាចាស់របស់គេ ដែលនឹងផុតកំណត់នៅចុងឆ្នាំនេះ។
កីឡាករក្នុងក្រុមជម្រើសជាតិអាហ្សង់ទីន Aguero បានមកចូលរួមលេងជាមួយ Man City ចាប់តាំងពីបានចាកចេញពីក្លឹបអេស្ប៉ាញ Atletico Madrid ក្នុងឆ្នាំ២០១១ ដោយបានជួយក្លឹបនៅទីក្រុង Manchester នៃប្រទេសអង់គ្លេស ឈ្នះពាន Premier League បាន៣ដង និងពាន League Cup ៣ដងដូចគ្នា។
Aguero គឺជាអ្នកស៊ុតបញ្ចូលទីច្រើនជាងគេរបស់ City ដែលមាន ២០៤គ្រាប់ ក្នុងនោះរួមទាំងអ្នកឈ្នះការប្រកួតចុងក្រោយជាមួយ Queen's Park Rangers ក្នុងឆ្នាំ២០១២ ដែលជួយពួកគេឈ្នះជើងឯកអង់គ្លេសលើកដំបូងក្នុងរយៈពេល៤៤ឆ្នាំ។
Aguero បានចូលរួមជាមួយ Kevin De Bruyne, Fernandinho, David Silva, Nicolas Otamendi និង Ederson ដែលបានចុះហត្ថលេខាលើកិច្ចសន្យារយៈពេលវែងកាលថ្មីៗនេះ៕