(ភ្នំពេញ)៖ សភាយុវពាណិជ្ជករអន្តរជាតិកម្ពុជាសាខាមេគង្គ (JCI Mekong) សហការជាមួយ កាក់សេន (Kakcent) នឹងរៀបចំព្រឹត្តិការណ៍ហិរញ្ញវត្ថុដ៏មួយដែលមានឈ្មោះថា «ហិរញ្ញវត្ថុអ្នក-Your Finance ឆ្នាំ២០២៥» ក្រោមប្រធានបទ «ហិរញ្ញវត្ថុផ្ទាល់ខ្លួនឈ្លៀសវៃ អាជីវកម្មរឹងមាំ អនាគតមានសុវត្ថិភាព» (Smart Money, Strong Business, Secure Future)។

ព្រឹត្តិការណ៍នេះនឹងប្រព្រឹត្តទៅនៅអគារ ISI Tower ក្នុងរាជធានីភ្នំពេញ នាថ្ងៃសៅរ៍ ទី២៦ ខែមេសា ឆ្នាំ២០២៥។ ព្រឹត្តិការណ៍នេះមិនគ្រាន់តែជាសិក្ខាសាលាធម្មតាមួយប៉ុណ្ណោះទេ តែជាឱកាសដ៏កម្រមួយសម្រាប់ប្រជាជនកម្ពុជាដើម្បីរៀនសូត្រអំពីការគ្រប់គ្រងហិរញ្ញវត្ថុផ្ទាល់ខ្លួន និងអាជីវកម្មពីអ្នកជំនាញហិរញ្ញវពីស្ថាប័នធំៗផ្សេងៗគ្នា។ វាគ្មិនចំនួន ៤ រូប នឹងចែករំលែកចំណេះដឹង និងបទពិសោធន៍របស់ពួកគេ ដោយផ្តោតលើប្រធានបទសំខាន់ៗដូចជា៖ ការគ្រប់គ្រងហិរញ្ញវត្ថុផ្ទាល់ខ្លួនប្រកបដោយភាពឆ្លាតវៃ, ការគ្រប់គ្រងហិរញ្ញវត្ថុអាជីវកម្មប្រកបដោយប្រសិទ្ធភាព, ដំណោះស្រាយការគ្រប់គ្រងហិរញ្ញវត្ថុផ្ទាល់ខ្លួននិងអាជីវកម្មដោយប្រពន្ធ័ធនាគារ និងការកសាងកម្រិតឥណទានល្អ។

លោក ង៉ែត ជូ អ្នកស្រាវជ្រាវផ្នែកហិរញ្ញវត្ថុផ្ទាល់ខ្លួន, លោក អឿ សុធារ័ត្ន ប្រធាននាយកប្រតិបត្តិក្រុមហ៊ុនក្រេឌីតប្យរ៉ូ (CBC),លោក ហោ ប៊ុនថែ អគ្គនាយករង ធនាគារ វីង​(Wing) និងលោក ទុយ ហុង​ ស្ថាបនិក និងជានាយកគ្រប់គ្រងក្រុមហ៊ុន Localize Tech Solution Co., Ltd. ជាអ្នកជំនាញដ៏ឆ្នើមក្នុងវិស័យបច្ចេកវិទ្យា និងគ្រប់គ្រងហិរញ្ញវត្ថុអាជីវកម្ម។

អ្នកឧកញ៉ា​ គីម សុខអេង ប្រធានសភាយុវពាណិជ្ជករអន្តរជាតិកម្ពុជាសាខាមេគង្គ JCI Mekong បានមានប្រសាសន៍ថា«យើងចង់បង្កើតវេទិកាហិរញ្ញវត្ថុដែលអាចជួយប្រជាជនកម្ពុជាឱ្យដោះស្រាយបញ្ហាហិរញ្ញវត្ថុក្នុងអំឡុងពេលវិបត្តិសេដ្ឋកិច្ច។ ការលើកកម្ពស់ចំណេះដឹងផ្នែកហិរញ្ញវត្ថុ គឺជាគន្លឹះដើម្បីជួយឱ្យប្រជាជនយើងអាចគ្រប់គ្រងការចំណាយ សន្សំប្រាក់ និងវិនិយោគប្រកបដោយភាពឈ្លាសវៃ»។
​
ព្រឹត្តិការណ៍នេះរំពឹងថានឹងមានអ្នកចូលរួមប្រមាណជាង១៥០ នាក់ ហើយនឹងរួមបញ្ចូលទាំងការធ្វើបទបង្ហាញគន្លឹះ, ការពិភាក្សាក្រុម, និងការសន្ទនាកម្រិតខ្ពស់។

សំបុត្រចូលរួមព្រឹត្តិការណ៍មានតម្លៃ៦ ដុល្លារ មុនថ្ងៃទី១២មេសា២០២៥ និង៨​ដុល្លារ បន្ទាប់ពីថ្ងៃទី១២ មេសា ឆ្នាំ២០២៥ និងអាចទិញបានតាមរយៈហ្វេសប៊ុកផេក JCI Mekong ឬតាមរយៈ កាក់សេន (Kakcent)។
ព្រឹត្តិការណ៍នេះឧបត្ថម្ភដោយស្ថាប័នហិរញ្ញវត្ថុនានាដូចជា ធនាគារWing , LYK Money Exchange, So-Link Accounting Firm និងក្រុមហ៊ុនផ្សេងៗទៀត។

កុំរង់ចាំយូរ! ចំនួនកន្លែងមានកំណត់!

សំបុត្រចូលរួមព្រឹត្តិការណ៍មានតម្លៃ៦ ដុល្លារសម្រាប់សមាជិក​JCI Cambodia និង៨ ដុល្លាសម្រាប់សាធារណជន។កុំរង់ចាំយូរ! ចំនួនកន្លែងមានកំណត់!
👉 JCI Member កក់សំបុត្រតាម T.me/ponharithp

👉 NON-Member កក់សំបុត្រតាម https://bookme.plus/t/events/your-finance-2025 ៕