(ភ្នំពេញ)៖ ក្នុងឱកាសដែលពិធីបុណ្យចូលឆ្នាំថ្មី ប្រពៃណីខ្មែរជិតឈានចូលមកដល់នេះ គេសង្កេតឃើញបងប្អូនប្រជាពលរដ្ឋខ្មែរ បានខិតខំលៃលកធ្វើបុណ្យចែកទានតាមកម្លាំងជ្រះថ្លា ដល់បងប្អូនសាច់ញាតិតាមទំនៀមទម្លាប់របស់ខ្មែរ ជាពិសេសដល់ចាស់ជរា។ ម្យ៉ាងវិញទៀត ញាតិមិត្តបងប្អូនក្នុងគ្រួសារនីមួយៗ ក៏បានជូនជាថវិកាទៅគ្នាទៅវិញទៅមក ដើម្បីបានធ្វើបុណ្យនាឱកាសឆ្នាំថ្មី។ យ៉ាងណាមិញ ចែម៉ី ម្ចាស់ប្រេន M Smooth ក៏មិនខុសពីបងប្អូនខ្មែរយើងជាច្រើនទៀតដែរ ដោយនៅក្នុងថ្ងៃកម្មវិធីបើកសម្ពោធហាងអាហារថ្មីរបស់ខ្លួន មានឈ្មោះថា «រមៀត» បានអញ្ជើញលោកតាៗដែលប្រកបរបររស៊ីធាក់ស៊ីក្លូ មានវ័យចំណាស់ជាច្រើននាក់ ចូលរួមពិសាអាហារឥតគិតថ្លៃ ព្រមទាំងបានចែកជូននូវថវិកា និងប្រកាសឲ្យអ្នកគ្មានលុយអាចមកពិសា ដោយមិនយកប្រាក់មួយរៀលទៀតផង។
ជាការពិតសម្រាប់ ចែម៉ី ត្រូវបានមហាជនទើបនឹងដឹងថា ថ្មីៗនេះអ្នកនាងប្រកាសរ៉ាប់រងចិញ្ចឹម ផ្គត់ផ្គង់ក្មេងប្រុស២នាក់ដូចកូនបង្កើត ហើយមិនទាន់នឹងបាត់ធ្វើឲ្យគេភ្ញាក់ផ្អើលផង ស្រាប់តែមុននេះ ចែម៉ី M Smooth បានប្រកាសបើកសម្ពោធភោជនីយដ្ឋានអាហារខ្មែរមួយកន្លែង នៅតំបន់ជ្រោយចង្វាមានឈ្មោះថា រមៀត។ រមៀតជាហាងលក់ម្ហូបបែបខ្មែរ ដែលស្ថិតនៅផ្លូវវិមានអាហារជាប់ហាងកាហ្វេ Starbucks ជាហាងស្តង់ដារៀបចំយ៉ាងទាក់ទាញ ប៉ុន្តែបែរជាការប្រកាសសម្ពោធ គ្មានវត្តមានភ្ញៀវច្រើនគគ្រឹកគគ្រេងដូចគេនោះទេ ពោលគឺមិនមែនម្ចាស់អាជីវកម្មគ្មានលទ្ធភាពទេ ប៉ុន្តែដោយការអាណិតស្រលាញ់ ចង់ចែករំលែកក្តីស្រលាញ់ទៅកាន់លោកតាៗធាក់ស៊ីក្លូ និងអ្នកមានជីវភាពខ្វះខាត ទើបម្ចាស់ហាងមានចិត្តសប្បុរសធម៌ឲ្យចូលរួមទទួលទានអាហារ ផ្តល់កញ្ចប់ថវិកា និងសាកសួរសុខទុក្ខទៅកាន់ពួកគាត់ ដែលអ្នកខ្លះគ្មានស្រុកកំណើតត្រូវទៅលេងឱកាសចូលឆ្នាំថ្មី គ្មានសាច់ញាតិសាកសួរសុខទុក្ខ ទើបបង្កើតកម្មវិធីនេះឡើង។
ក្នុងនោះនាយិការក្រុមហ៊ុនគ្រឿងសម្អាង M Smooth ចែម៉ី ថែមទាំងប្រកាសឲ្យអ្នកដែលមានជីវភាពខ្វះខាត មិនមានអាហារហូបគ្រប់គ្រាន់អាចមកទទួលទានអាហារ នៅទីនេះបានបន្ថែមទៀត។
ងាកមករឿងផ្ទាល់ខខ្លួនវិញ ម្ចាស់ប្រេន M Smooth បានតបទៅកាន់អ្នកថាម្ចាស់បទ និងអ្នកសម្តែងបទ «អង្វរពុកម៉ែ» មកដើម្បីល្បី និងយកមកចិញ្ចឹមបានមួយខ្យល់ ហើយយកមកចិញ្ចឹមដើម្បីល្បី ឬធ្វើអាជីវកម្ម ប៉ុន្តែពេលនេះទាំងចែម៉ី បានចេញមកបញ្ជាក់ ហើយសូម្បីស្កាយ និងផារិន ក៏លើកឡើងដូចគ្នាដែរ។
នៅមុននេះមានការចាប់អារម្មណ៍ខ្លាំងជុំវិញចែម៉ី ដែលគេស្គាល់ថា ជាម្ចាស់ប្រេន M Smooth បានបង្ហាញពីសកម្មភាពជាច្រើនរួមគ្នាជាមួយស្កាយ និងផារិន ដែលជាកូនចិញ្ចឹម។ ស្កាយត្រូវបានអ្នកលេងបណ្តាញសង្គម ស្គាល់ច្រើន គឺក្រោយពីយកបទចម្រៀងកម្សត់មួយបទ មានចំណងជើងថា «អង្វរពុកម៉ែ» មកច្រៀងត្រាប់ដោយស្រក់ទឹកភ្នែក ខណៈផារិន គឺជាម្ចាស់បទចម្រៀងនេះ មានការកោតសរសើរច្រើន ទៅកាន់លោកស្រីនាយិការក្រុមហ៊ុនខាងលើថា បានជួយក្មេងៗមានទេពកោសល្យសិល្បៈ ពិសេសស្កាយដែលរស់នៅមានឈ្មោះជាក្មេងកំព្រា ម្តាយឪពុករស់នៅជាមួយជីដូនកម្សត់នៅខេត្តព្រៃវែងនោះ គឺដូចបានជប់ជីវិតថ្មីឲ្យរូបគេ តាមរយៈការផ្គត់ផ្គង់ការសិក្សា និងរស់នៅភ្នំពេញក្នុងផ្ទះជាមួយគ្នាផងដែរ។
អ្វីដែលពិសេស គឺចែម៉ី បានបំពេញបំណងពួកគេ គឺអាចចូលរួមច្រៀង និងសម្តែងដែលជាក្តីស្រមៃរបស់ពួកគេ តាំងពីយូរណាស់មកហើយ។ ទោះជាយ៉ាងណាមានការរិះគន់ខ្លះថា នេះជាទង្វើមិនចេញពីចិត្ត គឺចង់បានភាពល្បីល្បាញ ឬកេងប្រវ័ញ្ចកម្លាំងក្មេងជាដើម។ ជួបផ្ទាល់ជាមួយពួកគេក្នុងកម្មវិធីសង្ក្រាន្ត M Smooth នៅសង្កាត់ព្រៃស កាលពីពេលថ្មីៗនេះទាំងចែម៉ី, ផារិន និងអូនស្កាយ បានចេញមុខមកបញ្ជាក់ច្បាស់ៗរួចរាល់ហើយថា ការលេចឮព័ត៌មានខាងលើ ពុំមែនជាការពិតនោះឡើយ៕
