(ភ្នំពេញ)៖ គម្រោងខុនដូផ្កាយ៥ «La Vista ONE» នាថ្ងៃទី២៩ ខែធ្នូ ឆ្នាំ២០២៤ បានរៀបចំពិធីប្រគល់គេហដ្ឋានជូនអតិថិជន នៅសណ្ឋាគារសុខាភ្នំពេញ ក្រោមវត្តមានលោក ឯក សំអុល ប្រធានសមាគមមិត្តភាពកម្ពុជា-ចិន អ្នកឧកញ៉ា លី ឃុនថៃ ទីប្រឹក្សាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា តំណាងម្ចាស់អចលនទ្រព្យ ដៃគូសហប្រតិបត្តិការ និងមិត្តអ្នកសារព័ត៌មានជាច្រើនរូបផ្សេងទៀត ដែលបានមកជួបជុំគ្នាធ្វើជាសាក្សី ក្នុងព្រឹត្តិការណ៍ជាប្រវត្តិសាស្ត្រមួយនេះ។ នេះមិនត្រឹមតែជាព្រឹត្តិការណ៍ដ៏សំខាន់ ក្នុងការអភិវឌ្ឍរបស់ LA VISTA ONE ប៉ុណ្ណោះទេ ថែមទាំងជាសញ្ញានៃការសម្រេចបានជោគជ័យ នៃគម្រោងលើប្លង់ក្លាយជាការពិត។

លោក Li Shoujun អ្នកគ្រប់គ្រងទូទៅនៃគម្រោង LA VISTA ONE បានរំលឹកឡើងពីដំណើរដ៏លំបាកនៃគម្រោង តាំងពីការគ្រោងរហូតដល់ការសាងសង់។ លោកបានថ្លែងអំណរគុណដល់ក្រុមការងារទាំងអស់ ដែលបានខិតខំប្រឹងប្រែងលើគម្រោងនេះ លោកសន្យាថា នៅពេលអនាគតនឹងបន្តប្រកាន់ខ្ជាប់នូវគោលគំនិតនៃ «គុណភាព និងសេវាកម្មជាចម្បង» ដើម្បីបង្កើតបទពិសោធន៍រស់នៅ ប្រកបដោយគុណភាពខ្ពស់ សម្រាប់ម្ចាស់អចលនទ្រព្យ។

ក្នុងឱកាសនោះ លោក ឯក សំអុល បានថ្លែងថា «ការប្រគល់គេហដ្ឋានជូនអតិថិជននៃគម្រោង LA VISTA ONE ប្រកបដោយជោគជ័យ មិនត្រឹមតែបង្ហាញពីការប្រតិបត្តិ និងភាពធន់របស់ក្រុមហ៊ុនប៉ុណ្ណោះទេ ក៏ជាការបង្ហាញពីកិច្ចសហប្រតិបត្តិការកម្ពុជា-ចិនផងដែរ»។

លោកបានវាយតម្លៃខ្ពស់ ចំពោះការអនុវត្តការងាររបស់ក្រុមការងារគម្រោង ក្នុងអំឡុងពេលជំងឺកូវីដ-១៩ ហើយបានអំពាវនាវឱ្យក្រុមហ៊ុនចិនកាន់តែច្រើន ជ្រើសរើសប្រទេសកម្ពុជាជាគោលដៅវិនិយោគ ដើម្បីនាំមកនូវផលប្រយោជន៍កាន់តែច្រើន ដល់ប្រជាជននៃប្រទេសទាំងពីរ។

ប្រធានសមាគមមិត្តភាពកម្ពុជា-ចិន មានប្រសាសន៍ថា រដ្ឋាភិបាលកម្ពុជា នឹងបន្តផ្តល់នូវបរិយាកាសធុរកិច្ច ប្រកបដោយសន្តិភាព និងបើកចំហ រួមគ្នាជាមួយដៃគូចិន រួមគ្នាកសាងសហគមន៍វាសនារួមកម្ពុជា-ចិន ឱ្យកាន់តែជិតស្និទ្ធជាមួយនឹងអនាគតរួមគ្នា។

អ្នកឧកញ៉ា លី ឃុនថៃ បានគូសបញ្ជាក់ថា តំបន់ជ្រោយចង្វារបានក្លាយជាតំបន់មួយ ក្នុងចំណោមតំបន់ ដែលមានការរីកចំរើនលឿនបំផុត ក្នុងរាជធានីភ្នំពេញ។ ជាមួយនឹងការលេចចេញឡើងជាបន្តបន្ទាប់ នូវគម្រោងស្ពានមិត្តភាពកម្ពុជា-កូរ៉េ តំបន់នេះនឹងទាក់ទាញធនធានគុណភាពខ្ពស់ និងក្លាយជាមជ្ឈមណ្ឌលរីកចម្រើននៃរាជធានីភ្នំពេញនាពេលអនាគត។
ក្នុងនាមជាគម្រោងស្នូលមួយក្នុងតំបន់ LA VISTA ONE មិនត្រឹមតែផ្តល់នូវជម្រើសនៃការរស់នៅលំដាប់ខ្ពស់ សម្រាប់អ្នករស់នៅក្នុងតំបន់ប៉ុណ្ណោះទេ ប៉ុន្តែថែមទាំងរួមចំណែកដល់ការអភិវឌ្ឍន៍ ប្រកបដោយគុណភាពខ្ពស់នៃទីក្រុងផងដែរ។

តាមរយៈកិច្ចសហប្រតិបត្តិការជាមួយ ក្រុមហ៊ុនផ្តល់សេវាកម្មគ្រប់គ្រងអចលនទ្រព្យ GREEN TOWN អចលនទ្រព្យកម្ពុជា និង ក្រុមហ៊ុនឈានមុខគេក្នុងឧស្សាហកម្មជាច្រើនទៀត LA VISTA ONE បានកសាងការរស់នៅស្តង់ដារខ្ពស់ ដែលរួមបញ្ចូលការស្នាក់នៅ សម្រាកលំហែសុខភាព និងការការពារតាមផ្លូវច្បាប់។ ជាមួយនឹងសមត្ថភាពគ្រប់គ្រងអចលនទ្រព្យ ប្រកបដោយវិជ្ជាជីវៈរបស់ខ្លួនក្រុមហ៊ុន GREEN TOWN ផ្តល់ឱ្យម្ចាស់អចលនទ្រព្យនូវបរិយាកាសរស់នៅ ប្រកបដោយផាសុកភាព និងសុវត្ថិភាព។ នៅពេលអនាគត LA VISTA ONE នឹងកែលម្អកន្លែងពាណិជ្ជកម្មរបស់ខ្លួនបន្ថែមទៀត ដើម្បីបំពេញតម្រូវការចម្រុះរបស់ម្ចាស់អចលនទ្រព្យ។

លើសពីនេះ LA VISTA ONE ក៏បានរៀបចំពិធីប្រគល់រង្វាន់ ដល់អ្នករួមចំណែកពិសេសមួយចំនួន ក្នុងគម្រោងនេះ ដើម្បីថ្លែងអំណរគុណដល់ការខិតខំប្រឹងប្រែងរបស់ពួកគេ។ នាពេលអនាគត យើងសង្ឃឹមថាជាមួយនឹងការខិតខំប្រឹងប្រែងរួមគ្នា យើងអាចបន្តផ្តល់ជូនម្ចាស់អចលនទ្រព្យ នូវបទពិសោធន៍សេវាកម្មកាន់តែប្រសើរឡើង។

នៅក្នុងពិធី ក៏មានការធ្វើបទបង្ហាញពីបទពិសោធន៍ សេវាកម្មនៃការគ្រប់គ្រងគម្រោង គម្រោងផែនការអភិវឌ្ឍន៍នាពេលអនាគតនៃតំបន់ជ្រោយចង្វារ ទៅដល់ម្ចាស់អចលនទ្រព្យ និងដៃគូសហប្រតិបត្តិការ ហើយបានទាក់ទាញការអបអរឥតឈប់ឈរ និងថតរូបពីអ្នកចូលរួម។

ការរៀបចំដោយជោគជ័យនៃពិធីនេះ បានបញ្ជាក់ជាថ្មីម្តងទៀតពីគោលគំនិតស្នូល «គុណភាពជាចម្បង» របស់ LA VISTA ONE ហើយថែមទាំងបានកំណត់នូវស្តង់ដារថ្មី សម្រាប់ទីផ្សារលំនៅដ្ឋានលំដាប់ខ្ពស់ក្នុងទីក្រុងភ្នំពេញ។ នៅថ្ងៃខាងមុខ LA VISTA ONE នឹងបន្តបង្កើតជីវិតដ៏រីករាយសម្រាប់ម្ចាស់អចលនទ្រព្យគ្រប់រូប ជាមួយនឹងគុណភាពដ៏ល្អឥតខ្ចោះ និងសេវាកម្មមានលក្ខណៈល្អិតល្អន់៕