(ភ្នំពេញ)៖ បន្ទាប់ពីការប្រកាសជាផ្លូវការពីម្ចាស់ឧបត្ថម្ភផ្តាច់មុខ ភេសជ្ជៈប៉ូវកម្លាំង វើក ក្នុងកម្មវិធីសន្និសីទសារព័ត៌មានកាលពីថ្ងៃទី២០ ខែកុម្ភៈ ឆ្នាំ២០២៤ ព្រឹត្តិការណ៍បាល់ទះ WURKZ Special Volleyball Cup 4x4 2024 នឹងចាប់ផ្តើមការប្រកួតជម្រុះភូមិភាគដំបូងគេនៅខេត្តបាត់ដំបង ទីតាំងមណ្ឌលបាត់ដំបង (ទីធ្លាបាល់ទះវិទ្យាល័យនេត យ៉ង់) នៅថ្ងៃទី២៤ និង២៥ ចាប់ពីម៉ោង ៨ព្រឹកតទៅ។
សម្រាប់គោលដៅទី១ភូមិភាគខេត្តបាត់ដំបងនឹងមានក្រុមកីឡាបាល់ទះមកពី ៥ខេត្ត ដែលនឹងចូលរួមដូចជា៖ ខេត្តបាត់ដំបង, ខេត្តប៉ៃលិន, ខេត្តបន្ទាយមានជ័យ, ខេត្តពោធិ៍សាត់, និងខេត្តកំពង់ឆ្នាំង។
ម្ចាស់ជ័យលាភីប្រចាំការជម្រុះភូមិភាគនឹងទទួលបាន៖
* ចំណាត់ថ្នាក់លេខ១ ទទួលបានពានរង្វាន់១, កៅអីចូលរួមប្រកួតនៅរាជធានីភ្នំពេញ ១ និងប្រាក់រង្វាន់ ១១លានរៀល
* ចំណាត់ថ្នាក់លេខ ២ ទទួលបានកៅអីចូលរួមប្រកួតនៅរាជធានីភ្នំពេញ ១ និងប្រាក់រង្វាន់ ៥លានរៀល
* ចំណាត់ថ្នាក់លេខ ៣ ទទួលបានប្រាក់រង្វាន់ ២លានរៀល
* ចំណាត់ថ្នាក់លេខ ៤ ទទួលបានប្រាក់រង្វាន់ ១លានរៀល។
ព្រឹត្តិការណ៍បាល់ទះ WURKZ Special Volleyball Cup 4x4 2024 មានលក្ខណ:ប្លែកពិសេសជាការនាំយកចំណីអារម្មណ៍ថ្មីដែលជាកាដូទៅដល់បងប្អូនប្រជាពលរដ្ឋក្នុងការទស្សនាផ្ទាល់ និងបានបញ្ចេញអារម្មណ៍ពុះកញ្ច្រោលនៅលើទីលានប្រកួត។ ភេសជ្ជៈប៉ូវកម្លាំង វើក បានចូលរួមឧបត្ថម្ភម្តងហើយម្តងទៀតធ្វើជាចំណែកដ៏ធំមួយលើកស្ទួយដល់វិស័យបាល់ទះឱ្យឈានទៅរកមេដាយមាស ក្នុងព្រឹត្តិការណ៍ប្រកួតកីឡា SEA GAMES។ ភេសជ្ជៈប៉ូវកម្លាំង វើក ជាអ្នកគាំទ្រវិស័យកីឡាធំជាងគេឈរលំដាប់លេខ១នៅកម្ពុជា៕
*WURKZ បង្កើនថាមពលឥតឈប់ឈរ!
