(ភ្នំពេញ)៖ ធ្យូបកាហ្វេ ដែលជាប្រេនកាហ្វេបង្កើតឡើងដោយកូនខ្មែរ បានផ្លាស់ប្តូរស្លាកយីហោរថ្មីពី«ធ្យូបកាហ្វេ សេនត្រល»ទៅ «ធ្យូបកាហ្វេ ផ្លឹស» ដើម្បីផ្តល់ជូនអតិថិជន លើសពីកាហ្វេ និងភេសជ្ជៈ ពោលគឺធ្យូបកាហ្វេ ផ្លឹស នឹងលក់បន្ថែមនូវអាហារច្រើនប្រភេទសម្រាប់អតិថិជន គ្រប់ពេលទាំងអាហារពេលព្រឹក ពេលថ្ងៃ និងពេលល្ងាច។
ក្នុងពិធីប្រកាសផ្លាស់ប្តូរស្លាកយីហោរថ្មីជាផ្លូវការ នាព្រឹកថ្ងៃទី១៥ ខែមករា ឆ្នាំ២០២៤នេះ កញ្ញា ស៊ូ មុន្នីពេជ្រ ស្ថាបនិក និងជា CEO របស់ក្រុមហ៊ុន ធ្យូបកាហ្វេ បានថ្លែងថា ធ្យូបកាហ្វេផ្លឹសជាឈ្មោះថ្មីដែលបានផ្លាស់ប្តូរពី ធ្យូបកាហេ្វ សេនត្រល ក្នុងគោលបំណងផ្តល់ភាពងាយស្រួលជូនអតិថិជន។ ធ្យូបកាហ្វេផ្លឹស គឺមានន័យថា នៅតាមបណ្តាហាងធ្យូបកាហ្វេ គឺមានទាំងម្ហូបអាហាររួមទាំងភេសជ្ជៈ ដែលមានគុណភាពខ្ពស់។
កញ្ញាបានថ្លែងបន្តថា«ធ្យូបកាហ្វេផ្លឹស មិនត្រឹមតែផ្តល់ជូននូវភេសជ្ជៈដែលមានគុណភាពខ្ពស់តែមួយមុខទេ បន្លែមពីនោះក៏មានអាហារសំរាប់ប្រជាជនកម្ពុជា ដែលមានរសជាតិបែបខ្មែរ ជាច្រើនជម្រើសដែលមានគុណភាពខ្ពស់ ជាមួយនិងអនាម័យ តំលៃសមរម្យ រួមទាំងសេវាកម្មរហ័ស រសជាតិឆ្ងាញ់ ដោយមានការយកចិត្តទុកដាក់បានយ៉ាងល្អ ពីសំណាក់ក្រុមកាងារ ដែលបានធ្វើការយ៉ាងផ្ចិតផ្ចង់ និងសេវាកម្មរហ័សទាន់ចិត្ត ព្រមទាំងការវេចខ្ចប់ទាន់សម័យ ដើម្បីបំពេញតម្រូវការជូនអតិថិជន»។
ធ្យូបកាហ្វេ ផ្លឹស មិនត្រឹមតែជាហាងកាហ្វេដែលផ្ដល់នៅសេវាកម្មកាហ្វេមួយមុខតែប៉ុណ្ណោះទេ តែអតិថិជនក៏អាចជ្រើសរើសម្ហូបអាហារជាច្រើនប្រភេទដូចជា បាយសាច់ជ្រូកអាំង បាយទ្បុកទ្បាក់ បាយមាន់គ្រឿង លតឆាសាច់គោ និងមីសាច់ស្រួយ ដែលសុទ្ធសឹងតែជាម្ហូបពេញនិយមសម្រាប់ប្រជាជនខ្មែរ និងប្រចាំហាង ធ្យូបកាហ្វេ ផ្លឹស។ បច្ចុប្បន្ននេះ ក៏មានជាស្ពាហ្កាទីឆាក្តៅ ជាម្ហូបប៉ែកអឺរ៉ុប ដែលបានសម្រិតសម្រាំងយ៉ាងយកចិត្តទុកដាក់ ដើម្បីបំពេញនៅតម្រូវការរបស់អតិថិជន។ ជាមួយគ្នានេះផងដែរ
ធ្យូបកាហ្វេ ផ្លឹស ជាហាងកាហ្វ ដែលសាកសមបំផុតសម្រាប់អតិថិជនគ្រប់រូបក្នុងការ សម្រាកស្រស់ស្រូបអាហារបានគ្រប់ពេលមិនថាពេលព្រឹក ពេលថ្ងៃ ឬពេលល្ងាច បន្ទាប់ពីបំពេញការងាររួច និងទទួលបានបទពិសោធន៍ដែលមិនអាចបំភ្លេចបាន ជាមួយនឹង ភេសជ្ជ: ក៏ដូចជាមុខម្ហូបរសជាតិបែបខ្មែរដ៏សម្បូរបែបពីខាងយើងខ្ញុំ។
កញ្ញា ស៊ូ មុន្នីពេជ្របន្ថែមថា ជាមួយនឹងការផ្តល់សេវាកម្មនិងផលិតផលជូនទៅកាន់អតិថិជនយើងបានប្រកាន់ខ្ជាប់លើពាក្យស្លោក ៣គឺ រហ័ស តម្លៃសមរម្យ និងគុណភាពខ្ពស់។ រហ័សមានន័យថា យើងធ្វើភេសជ្ជ:លឿនឆាប់រហ័សជូនដល់អតិថិជន តម្លៃសមរម្យមានន័យថា ភេសជ្ជ:របស់យើងមានតម្លៃសមរម្យដែលអតិថិជនគ្រប់រូបអាចទទួលយកបាន គុណភាពខ្ពស់មានន័យថា យើងបានសម្រិតសម្រាំងយ៉ាងយកចិត្តទុកដាក់ទាំងរសជាតិ គុណភាព និងអនាម័យខ្ពស់ជូនទៅកាន់អតិថិជនគ្រប់ៗរូប។
ធ្យូបកាហ្វេបានបើកដំណើរការ ចាប់តាំងពីឆ្នាំ២០១៧ដល់ពេលបច្ចុប្បន្ននេះ មានសាខាចំនួន ៣៧ សាខាហើយនៅទូទាំងរាជធានីនិងខេត្ត ដោយក្នុងនោះមានសាខា ធ្យូបកាហ្វេ ផ្លឹស ចំនួន ៦ សាខា (រាប់បញ្ចូលទាំងធ្យូបកាហ្វេ ផ្លឹស សាខា រាជធានីនេះ)។
កញ្ញាលើកឡើងថា «តាមរយ:ការប្រកាន់ខ្ជាប់នូវគុណតម្លៃស្នូល ការបេ្តជ្ញាចិត្ត បទពិសោធន៍ និងការគាំទ្ររបស់ភ្ញៀវកិត្តិយសទាំងអស់ នាងខ្ញុំសង្ឃឹមយ៉ាងម៉ុតមាំថា ធ្យូបកាហ្វេ ផ្លឹស នឹងមានប្រជាប្រិយភាពលេចធ្លោនៅក្នុងទីផ្សារ និងទទួលបានការគាំទ្រពីសំណាក់អតិថិជនរឹតតែច្រើនជាងនេះបន្ថែមទៀត»៕
