(ព្រះសីហនុ)៖ ធនាគារ វឌ្ឍនៈ សម្ពោធសាខា ទី៣៧ នៅក្នុងខេត្តព្រះសីហនុ ដែលជាព្រឹត្តិការណ៍ដ៏គួរឱ្យកត់សម្គាល់មួយទៀតក្នុងការពង្រីកបណ្តាញសាខាទូទាំងប្រទេស។
ពិធីសម្ពោធជាផ្លូវការនេះ មានការចូលរួមពីថ្នាក់ដឹកនាំជាន់ខ្ពស់របស់ធនាគារ វឌ្ឍនៈ គឺអ្នកឧកញ៉ា សំ អាង ប្រធានក្រុមប្រឹក្សាភិបាលនៃធនាគារ វឌ្ឍនៈ អ្នកឧកញ៉ា ឈុន លាង បណ្ណាធិការនៃធនាគារ វឌ្ឍនៈ លោក Anthony Chin អគ្គនាយកប្រតិបត្តិគណៈគ្រប់គ្រងធនាគារ វឌ្ឍនៈ និងឥស្សរជនជាន់ខ្ពស់រួមមាន អ្នកឧកញ៉ា លី យ៉ុងផាត់ និងលោកស្រី សមាជិកព្រឹទ្ធសភា និងជាទីប្រឹក្សាផ្ទាល់សម្តេចមហាបវរធិបតី ហ៊ុន ម៉ាណែត, លោក ឡុង វិសាលោ រដ្ឋមន្ត្រីប្រតិភូអមនាយករដ្ឋមន្ត្រី, លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជា អគ្គនាយកនៃអគ្គនាយកដ្ឋានពន្ធដា និងលោកស្រី, លោក សុខ កល្យាណ ប្រធានសាលាឧទ្ធរណ៍ ខេត្តព្រះសីហនុ លោក លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធាន អគ្គនាយកកំពង់ផែស្វយ័តក្រុងព្រះសីហនុ និងលោកស្រី លោកស្រី តាំង សុគន្ធមាលា ប្រតិភូរាជរដ្ឋាភិបាលទទួលបន្ទុកជាអគ្គាធិការ នៃអគ្គាធិការដ្ឋានក្រសួងពាណិជ្ជកម្ម, លោក គួច ចំរើន អភិបាលនៃគណៈអភិបាលខេត្តព្រះសីហនុ, ឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ លោក ឯក សុផុន នាយកសាខាធនាគារជាតិនៃកម្ពុជា ព្រមទាំងភ្ញៀវកិត្តិយសជាច្រើនរូបទៀត។
ធនាគារ វឌ្ឍនៈ សាខាខេត្តព្រះសីហនុ ត្រូវបានរចនាឡើងដោយគិតគូរពីភាពប្រណិត និងបានផ្តល់ជូននូវសេវាកម្មមាស ជាពិសេសការផ្តោតទៅលើអតិថិជនពិសេសដើម្បីទទួលបាននូវសេវាកម្មដ៏ល្អឥតខ្ចោះ។ ជាមួយនឹងការបើកដំណើរការសាខាថ្មីនេះ ធនាគារ វឌ្ឍនៈ ផ្តល់ជូនសេវាកម្មមាសនៅ ១០ទីតាំងសាខាទូទាំងប្រទេស។ យើងខ្ញុំផ្តល់ជូននូវផលិតផល និង សេវាកម្មផ្នែកធនាគាររូបវន្តបុគ្គល និងពាណិជ្ជកម្មដ៏ពេញលេញ យ៉ាងសម្បូរបែបដែលមានដូចជា សេវាប្រាក់បញ្ញើ សេវាឥណទាន និងសេវាធនាគារតាមឌីជីថល ជាពិសេសឆ្លុះបញ្ចាំងពីនិន្នាការដ៏ទំនើប ដែលមានការវិវឌ្ឍន៍ និងរីកចម្រើនឥតឈប់ឈរ។
បច្ចុប្បន្ន ធនាគារ វឌ្ឍនៈ មានសាខាចំនួន ៣៧ នៅទូទាំង២២ ខេត្តក្រុងរួចមកហើយ។ នៅក្នុងឆ្នាំនេះ យើងគ្រោងនឹងបើកសាខាចំនួន ៥ បន្ថែមទៀត ដែលនឹងធ្វើអោយចំនួនសាខាសរុបក្នុងឆ្នាំ២០២៣ មានចំនួន ៤២សាខា បន្ទាប់មកយើងគ្រោងនឹងពង្រីកសាខារហូតដល់ចំនួន ៥៣ សាខា នៅត្រឹមឆ្នាំ ២០២៤ ទូទាំងខេត្តក្រុង។
លោក Anthony Chin អគ្គនាយកប្រតិបត្តិបានលើកឡើងពីការប្តេជ្ញាចិត្ត ក្នុងការបង្កើនបទពិសោធន៍ប្រព័ន្ធធនាគារទាំងនៅសាខា និងឌីជីថលសម្រាប់អតិថិជន។
លោកបានបញ្ជាក់បន្ថែមថា «ឥឡូវនេះយើងកំពុងធ្វើការដោយឥតឈប់ឈរ ដើម្បីនាំយកនូវបទពិសោធន៍ធនាគារដ៏ល្អបំផុត ជូនដល់អតិថិជនដោយផ្តោតសំខាន់លើការរួមបញ្ចូលគ្នានៃសេវាធនាគារនៅតាមសាខា និងឌីជីថលូបនីយកម្មដើម្បីបំពេញតម្រូវការផ្សេងៗ និងបទពិសោធន៍យ៉ាងរលូន»។
លោក Anthony Chin បានបញ្ជាក់បន្ថែមពីការប្តេជ្ញាចិត្តរបស់ធនាគារ វឌ្ឍនៈ ក្នុងរយៈពេល ២១ ឆ្នាំកន្លងមកនេះថា «ការបន្តពង្រីកសាខាជាបន្តបន្ទាប់របស់យើង គូសបញ្ជាក់ពីការប្តេជ្ញាចិត្តដោយឥតឈប់ឈរ របស់យើងចំពោះប្រទេសកម្ពុជា និងប្រជាជនកម្ពុជាដែលត្រូវបានបង្កើតឡើងដោយប្រជាជនកម្ពុជា យើងនៅទីនេះនឹងធ្វើអ្វីៗគ្រប់យ៉ាង ដើម្បីប្រទេសកម្ពុជា»។
សម្រាប់ព័ត៌មានបន្ថែម សូមអញ្ជើញមកកាន់សាខាថ្មីរបស់យើង ដែលមានទីតាំងនៅវិថីឯករាជ្យ ភូមិ២ សង្កាត់៤ ក្រុងព្រះសីហនុ ខេត្តព្រះសីហនុ ឬចូលទៅកាន់ www.vattanacbank.com (http://www.vattanacbank.com/)។ សម្រាប់ជំនួយការ ២៤/៧ ឬសូមទាក់ទងមកកាន់លេខ ០៣៤ ៩០០ ៥៥៥៕