អ្នកជំនាញផលិតកែវស្រាលំដាប់កំពូលដ៏ល្បី បានចែករំលែកបទពិសោធន៍ នៃការទទួលទានស្រាទំពាំងបាយជូរ ប្រភេទតែមួយ ក្នុងកែវស្រាពីរផ្សេងគ្នា តែអារម្មណ៍ និងរសជាតិដែលទទួលបានពីស្រាផ្សេងគ្នា។
អ្នកជំនាញបង្ហាញបែបនេះ បានធ្វើឡើងនៅក្នុងព្រឹត្តិការណ៍ចែករំលែក «បទពិសោធន៍អំពីកែវស្រា» ដែលរៀបចំដោយ ក្រុមហ៊ុនផលិតកែវស្រាលំដាប់កំពូលដ៏ល្បី RIEDEL និងហាងស្រា Red Apron Wine Boutique សម្រាប់អ្នកចូលចិត្តទទួលទានស្រា នៅភោជនីយដ្ឋាន តូប៉ាហ្ស នាពេលល្ងាចថ្ងៃទី៦ ខែកញ្ញា ឆ្នាំ២០២៣ ដោយមានការបង្ហាញពីលោក Jean-Baptiste Cherriere អនុប្រធានផ្នែកលក់ប្រចាំតំបន់អាស៊ីប៉ាស៊ីហ្វិករបស់ក្រុមហ៊ុន Riedel Group។
តាមរយៈព្រឹត្តិការណ៍នេះ ភ្ញៀវបានភ្លក្សស្រាធ្វើពីទំពាំងបាយជូរបួនប្រភេទផ្សេងៗគ្នា ដែលរួមមាន Riesling, Chardonnay, Pinot Noir និង Cabernet Sauvignon ដែលស្រាទាំងបួនប្រភេទនោះនឹងមានទាំងនៅក្នុងកែវស្រា RIEDEL Veritas Grape-Varietal Specific របស់ក្រុមហ៊ុន RIEDEL និងកែវប្លាស្ទិក។ តាមរយៈការភ្លក្សស្រាដ៏សាមញ្ញនេះ ភ្ញៀវអាចប្រៀបធៀបដោយខ្លួនឯង ពីការទទួលទានស្រាតែមួយក្នុងកែវផ្សេងគ្នា ប៉ុន្តែអាចបង្កើតភាពខុសគ្នានៃរសជាតិ ក្លិន និងអារម្មណ៍ផ្សេងគ្នា។
លោក Jean-Baptiste បានចែករំលែកការយល់ឃើញលោកថា «ប្រភេទស្រាផ្សេងគ្នាមានលក្ខណៈ និងរសជាតិផ្សេងគ្នា។ ទំហំ និងរូបរាងរបស់កែវ ដែលអ្នកប្រើ មិនថាវាជាកែវ RIEDEL ឬកែវផ្លាស្ទិចទេ នឹងផ្លាស់ប្តូររបៀបដែលអារម្មណ៍របស់អ្នកទទួលបានពីស្រា»។
លោកបន្ថែមថា អ្វីដែលធ្វើឱ្យអ្នកទទួលទាន ទទួលបានអារម្មណ៍ រសជាតិ និងក្លិនផ្សេងគ្នា រវាងការទទួលទានស្រា ក្នុងកែវរបស់ RIEDEL និងកែវផ្សេងទៀត ដោយសារតែកែវនេះផលិតឡើងពីគ្រីស្តាល់ដែលល្អជាងគេ។
ក្រុមហ៊ុន RIEDEL គឺជាក្រុមហ៊ុនដំបូងគេដែលណែនាំកែវមានជើង សម្រាប់ប្រភេទស្រាទំពាំងបាយជូរ ចាប់តាំងពីឆ្នាំ១៩៥៨។ ក្រុមហ៊ុននេះបានស្រាវជ្រាវយ៉ាងទូលំទូលាយអំពីឥទ្ធិពលនៃទំហំ និងរូបរាងរបស់កែវស្រា ទៅតាមប្រភេទ ផ្លែទំពាំងបាយជូរដ៏ពេញនិយមទាំងអស់ ដែលនាំឱ្យមានការសន្និដ្ឋានមួយ ដែលមានការយល់ស្របដោយអ្នកជំនាញស្រារបស់ពិភពលោកថា៖ ក្លិន រសជាតិ វាយនភាព រសជាតិជាប់មាត់ និងការរីករាយជាមួយនឹងស្រា ត្រូវបានបង្កើនឡើងដោយការប្រើប្រាស់ «ឧបករណ៍ស្រា» ដែលត្រឹមត្រូវ។
លោកស្រី Line Ros-Van Daalen នាយកគ្រប់គ្រងទូទៅនៃហាងស្រា Red Apron Fine Wine Boutique បានលើកឡើងថា សម្រាប់អ្នកដែលចូលចិត្តទទួលទានស្រា ជាពិសេសស្រាទំពាំងបាយជូរ គួរតែវិនិយោគលើកែវ RIEDEL ដែលត្រឹមត្រូវសម្រាប់ប្រភេទស្រា ដែលពួកគេចូលចិត្ត។
ហាងស្រា Red Apron Wine Boutique គឺជាក្រុមហ៊ុនចែកចាយផ្តាច់មុខនៃផលិតផល RIEDEL នៅកម្ពុជា ដោយមានកែវស្រាគ្រីស្តាល់ និងថូចាក់ស្រាគ្រប់ប្រភេទនៅក្នុងតម្លៃខុសៗគ្នា។
ឈុតកែវស្រាប្រភេទ Riedel Veritas Tasting Set គឺជាឈុតកែវដ៏ល្អឥតខ្ចោះសម្រាប់ការចាប់ផ្តើម ដែលមានកែវសម្រាប់ស្រាធ្វើពីទំពាំងបាយជូរប្រភេទ Riesling, Oaked Chardonnay, Old World Pinot Noir និង Old World Cabernet/Merlot។ ក្នុងតម្លៃ ១៥០ដុល្លារ កែវស្រាឈុតនេះ។
ស្វែងយល់ពីផលិតផលដ៏ប្រណិតរបស់ RIEDEL ដោយទំនាក់ទំនងហាងស្រា Red Apron Wine Boutique តាមរយៈ www.facebook.com/RedApronCambodia ឬទៅកាន់ហាងដែលស្ថិតនៅផ្ទះលេខ ១៩ ផ្លូវ ២៤០ រាជធានីភ្នំពេញ៕