(ភ្នំពេញ)៖ ការប្រកួតពានរង្វាន់ខេមបូឌានព្រីមៀរលីគ ឆ្នាំ២០២៣-២០២៤ នឹងឈានចូលសប្តាហ៍ទី៤ ដោយមានក្រុមចំនួន ១០ចូលរួមប្រកួត ខណៈជំនួបជក់ចិត្តរវាងបឹងកេត ត្រូវបើកទ្ចារស្វាគមន៍ក្រុមភ្ញៀវវិសាខា ដណ្តើមយក ៣ពិន្ទុនៅថ្ងៃអាទិត្យ ទី២៧ ខែសីហា ក្នុងពហុកីឡដ្ឋានជាតិ អូឡាំងពិក នាម៉ោង ១៨៖០០នាទីល្ងាច។
គួររំលឹកថា បឹឹងកេតកាលពីសប្តាហ៍ទី៣ កន្លងទៅ បានលេងស្មើព្រៃវែង ក្នុងលទ្ធផល ១-១ ជាមួយនឹងស្ថិតិឈ្នះ១ ស្មើ១ និងចាញ់១ ឈរនៅចំណាត់ថ្នាក់លេខ៤ និងមាន ៤ពិន្ទុ នៅពេលវិសាខាវិញ បានយកឈ្នះក្រុម ISI ដង្កោសែនជ័យ ក្នុងលទផល ៤-០។ វិសាខា ដោយបានឆ្លងកាត់ ៣ប្រកួតមកនេះដូចគ្នា ឃើញថាឈ្នះទាំង៣ ដង មិនដែលស្គាល់ពាក្យថាចាញ់ម្តងឡើយ និងបានឈរនៅកំពូលតារាង ដោយមាន៩ពិន្ទុ
ស្មើនឹងក្រុមព្រះខ័នរាជស្វាយរៀង ដែលឈរនៅលេខ២ មាន ៩ពិន្ទុដូចគ្នា។
ខាងក្រោមនេះជាកម្មវីធីប្រកួតរបស់ក្រុមទាំង១០ នៃពានរង្វាន់ខេមបូឌានព្រីមៀរលីគ ឆ្នាំ២០២៣-២០២៤
ការប្រកួតនៅថ្ងៃសៅរ៍ ទី២៦ ខែសីហា ឆ្នាំ២០២៣ រួមមាន៖
១៖ ISI ដង្កោសែនជ័យ Vs ព្រះខ័នរាជស្វាយរៀង។
ការប្រកួតនៅថ្ងៃអាទិត្យ ទី២៧ ខែសីហា ឆ្នាំ២០២៣ រួមមាន៖
១៖ អង្គរថាយហ្គឺរ Vs កងយោធពលខេមរភូមិន្ទ
២៖ គិរីវង់សុខសែនជ័យ Vs ព្រៃវែង
៣៖ ណាហ្គា Vs ភ្នំពេញក្រោន
៤៖ បឹងកេត Vs វិសាខា។
សូមបញ្ជាក់ថា បន្ទាប់ពីក្រុមបឹងកេត ប៉ះវិសាខា នៅមានក្រុមខ្លាំងមួយគូទៀតដែលត្រូវជួបគ្នា រវាងក្រុមណាហ្គា ដែលឈរនៅចំណាត់ថ្នាក់លេខ៧ និងមាន៣ពិន្ទុ ត្រូវបើកទ្វារស្វាគមន៍ក្រុមភ្ញៀវភ្នំពេញក្រោនដែលឈរនៅចំណាត់ថ្នាក់លេខ៥ និងមាន ៣ពិន្ទុដូចគ្នានាថ្ងៃអាទិត្យ ទី២៧ ខែសីហា នៅក្នុងទឹកដីនៃកីឡដ្ឋាន កំពង់ស្ពឺ នាម៉ោង១៨៖០០នាទីល្ងាច៕