(បាសេឡូណា)៖ ក្លិបអ្នកមានបុណ្យ FC Barcelona បានសម្រេចតែងតាំងលោក Deco ជានាយកផ្នែកកីឡាថ្មីលើកិច្ចសន្យារយៈពេល ៣ឆ្នាំ។ នេះបើយោងតាមសារព័ត៌មាន Live Score ចេញផ្សាយនៅថ្ងៃទី១៧ ខែសីហា ឆ្នាំ២០២៣។
Barca បានតែងតាំងអតីតកីឡាករជម្រើសជាតិព័រទុយហ្គាល់រូបនេះ បន្ទាប់ពីនាយកផ្នែកបាល់ទាត់ លោក Mateu Alemany បានព្រមព្រៀងចាកចេញពីតំណែងរបស់លោក ក្នុងពេលបិទរដូវកាលដោះដូរកីឡាករ នារដូវក្តៅនេះ។
គម្រោងចាកចេញរបស់លោក Alemany ពី Barcelona ត្រូវបានប្រកាសឡើងកាលពីខែឧសភា ហើយលោកនឹងបន្តធ្វើការងារជាមួយលោក Deco រហូតដល់ដើមខែក្រោយ។
លោក Deco ដែលធ្លាប់លេងឲ្យ Barca ចាប់ពីឆ្នាំ២០០៤ ដល់ឆ្នាំ២០០៨ នឹងធ្វើការងារជាមួយគ្រូបង្វឹក Xavi Hernandez ក្នុងការដឹកនាំ ដើម្បីដណ្តើមជើងឯកនារដូវកាលថ្មីនេះ៕