(ភ្នំពេញ)៖ ការប្រកួតពានរង្វាន់ខេមបូឌានព្រីមៀរលីគ ឆ្នាំ២០២៣-២០២៤ នឹងឈានចូលសប្តាហ៍ទី៣ ដោយមានក្រុមចំនួន ១០ចូលរួមប្រកួត ខណៈព្រះខ័នរាជស្វាយ ត្រូវបើកទ្ចារស្វាគមន៍ក្រុមភ្ញៀវណាហ្គា ដណ្តើមយក ៣ពិន្ទុចុងសប្តាហ៍នេះផងដែរ។
គួររំលឹកថា ស្វាយរៀង កាលពីសប្តាហ៍ទី២ កន្លងទៅបានយកឈ្នះក្រុមភ្ញៀវភ្នំពេញក្រោន ក្នុងលទ្ធផល ២-១ កាលពីថ្ងៃសុក្រ ទី១១ ខែសីហា និងមាន ៦ពិន្ទុឈរនៅលេខ២ ស្មើក្រុមវិសាខា
ចំណែកឯគូប្រជែងណាហ្គាវិញ កាលពីសប្តាហ៍ទី២ បានលេងចាញ់ក្រុមភ្ញៀវវិសាខា ក្នុងលទ្ធផល ៤-១ និងមាន ៣ពិន្ទុ ស្មើក្រុមបឹងកេត, ភ្នំពេញក្រោន, ព្រៃវែង និង ISI ដង្កោសែនជ័យ ឈរនៅចំណាត់ថ្នាក់លេខ៦។
ការប្រកួតនៅថ្ងៃសៅរ៍ ទី១៩ ខែសីហា ឆ្នាំ២០២៣ រួមមាន៖
១៖ អង្គរថាយហ្គឺរ Vs គិរីវង់សុខសែនជ័យ។
ការប្រកួតនៅថ្ងៃអាទិត្យ ទី២០ ខែសីហា វិញរួមមាន៖
១៖ ព្រៃវែង Vs បឹងកេត
២៖ ព្រះខ័នរាជស្វាយរៀង Vs ណាហ្គា
៣៖ វិសាខា Vs ISIដង្កោសែនជ័យ៕