(ភ្នំពេញ)៖ នៅថ្ងៃទី៧ ខែមករា ឆ្នាំ២០២២ យន្តហោះរបស់ក្រុមហ៊ុនអាកាសចរណ៍ខេមបូឌា អ៊ែរវ៉េ ចំនួន៤គ្រឿង ដែលផ្ទុកសម្ភារពេទ្យជិត២៥តោន បានតម្រង់ជួរគ្នាយ៉ាងរៀបរយ នៅអាកាសយានដ្ឋានអន្តរជាតិភ្នំពេញ រង់ចាំអមដំណើរសម្តេចតេជោ ហ៊ុន សែន រួមជាមួយគណៈប្រតិភូក្រសួងការបរទេស ក្រសួងឧស្សាហកម្ម ក្រសួងសុខាភិបាល និងអាកាសចរណ៍ស៊ីវិល ដើម្បីធ្វើដំណើរទៅកាន់អាកាសយានដ្ឋានអន្តរជាតិណៃពិដោប្រទេសមីយ៉ាន់ម៉ា។
មន្ត្រីរាជការគ្រប់លំដាប់ថ្នាក់ និងថ្នាក់ដឹកនាំជួរមុខនៃក្រុមហ៊ុនអាកាសចរណ៍ ខេមបូឌា អ៊ែរវ៉េ បានរង់ចាំនៅអាកាសយានដ្ឋានតាំងពីព្រលឹម ដើម្បីស្វាគមន៍យ៉ាងកក់ក្តៅ និងជូនដំណើរគណៈប្រតិភូជាន់ខ្ពស់របស់រដ្ឋាភិបាលដែលដឹកនាំដោយសម្តេចតេជោ ហ៊ុន សែន ដែលរួមមានលោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម លោកស្រី យក់ សម្បត្តិ រដ្ឋលេខាធិការ ក្រសួងសុខាភិបាល និង រួមទាំងមន្ត្រីមកពីរដ្ឋបាលអាកាសចរណ៍ស៊ីវិល។
នៅម៉ោង៦៖០៥នាទី យន្តហោះទាំងបួនគ្រឿងដែលផ្ទុកទំនិញពេញបានចេញដំណើរពីអាកាសយានដ្ឋានអន្តរជាតិភ្នំពេញតាមពេលវេលាកំណត់ ហើយយន្តហោះទាំងអស់បានទៅដល់អាកាសយានដ្ឋានអន្តរជាតិណៃពីដោ ប្រទេសមីយ៉ាន់ម៉ាដោយសុវត្ថិភាព និងរលូនពីរម៉ោងក្រោយមក។ នៅពេលយន្តហោះចុះចត គណៈប្រតិភូជាន់ខ្ពស់របស់រដ្ឋាភិបាលមីយ៉ាន់ម៉ាបានរង់ចាំនៅអាកាសយានដ្ឋានរួចជាស្រេច ហើយបានស្វាគមន៍យ៉ាងអធិកអធមចំពោះលោកនាយករដ្ឋមន្ត្រី ហ៊ុន សែន និងគណៈប្រតិភូ ហើយភ្លាមៗនោះបានរៀបចំពិធីស្វាគមន៍ប្រគល់និងទទួលសម្ភារៈ។
បន្ទាប់ពីក្រុមហ៊ុន ខេមបូឌា អ៊ែរវ៉េ បានបញ្ជូនយន្តហោះពិសេសចំនួន ៣ គ្រឿងដើម្បីដឹកជញ្ជូនគ្រឿងផ្គត់ផ្គង់ទៅផ្គត់ផ្គង់ប្រទេសមីយ៉ាន់ម៉ាកាលពីខែវិច្ឆិកាឆ្នាំមុន។ លើកនេះក្រោមការបញ្ជាផ្ទាល់របស់សម្តេចនាយករដ្ឋមន្ត្រី ហ៊ុន សែន ក្រុមការងាររបស់ក្រុមហ៊ុន ខេមបូឌា អ៊ែរវ៉េបានឈានដល់កម្រិតខ្ពស់ថ្មីមួយ និងបានបញ្ចប់ដោយជោគជ័យនូវបេសកកម្មក្នុងការរៀបចំយន្តហោះពិសេស មានការទទួលស្គាល់ និងវាយតម្លៃខ្ពស់ពីសម្តេចនាយករដ្ឋមន្ត្រី ហ៊ុន សែន។
សូមជំរាបថា កាលពីថ្ងៃទី៥ ខែធ្នូ ឆ្នាំ២០២១ សម្តេចនាយករដ្ឋមន្ត្រី ហ៊ុន សែន បានប្រកាសថា លោកនឹងបំពេញទស្សនកិច្ចនៅមីយ៉ាន់ម៉ា ចាប់ពីថ្ងៃទី៧ ដល់ថ្ងៃទី៨ ខែមករា ឆ្នាំ២០២២។ នៅដើមខែមករា ឆ្នាំ២០២២ ក្រុមហ៊ុនអាកាសចរណ៍ ខេមបូឌា អ៊ែរវ៉េបានទទួលសេចក្តីជូនដំណឹងពីរដ្ឋាភិបាលកម្ពុជាថា ដើម្បីសហការយ៉ាងសកម្មជាមួយដំណើរទស្សនកិច្ចរបស់សម្តេចនាយករដ្ឋមន្ត្រី ហ៊ុន សែន ទៅកាន់ប្រទេសមីយ៉ាន់ម៉ា និងគាំទ្រការងារបង្ការការរីករាលដាលនៃជំងឺឆ្លងរបស់មីយ៉ាន់ម៉ា រដ្ឋាភិបាលកម្ពុជាបានកំណត់ឱ្យក្រុមហ៊ុនអាកាសចរណ៍ ខេមបូឌា អ៊ែរវ៉េ ធានានិងដឹកជញ្ជូនម៉ាស់ និងម៉ាស N95 វ៉ែនតាការពារ និងអាវពាក់ការពារ (PPE) របាំងការពារ បំពង់ខ្យល់ ម៉ាស៊ីនបង្កើតអុកស៊ីហ្សែន និងឧបករណ៍វេជ្ជសាស្ត្របញ្ជូនទៅប្រទេសមីយ៉ាន់ម៉ា។
បន្ទាប់ពីទទួលបានការណែរនាំពីរដ្ឋាភិបាលកម្ពុជា ក្រុមហ៊ុនអាកាសចរណ៍ ខេមបូឌា អ៊ែរវ៉េ បានយកចិត្តទុកដាក់យ៉ាងខ្លាំងចំពោះបេសកកម្មនេះ ដោយបានផ្តួចផ្តើមនីតិវិធី ឆ្លើយតបបន្ទាន់ភ្លាមៗ រៀបចំនិងសម្របសម្រួលនាយកដ្ឋានផ្សេងៗ ដើម្បីរៀបចំឱ្យបានរៀបរយ។ ដោយសារសម្ភារៈដែលត្រូវដឹកជញ្ជូន មានបរិមាណច្រើនទំហំធំ និងពេលវេលាខ្លី ដើម្បីបំពេញតម្រូវការដឹកជញ្ជូន ក្រុមហ៊ុនអាកាសចរណ៍ខេមបូឌា អ៊ែរវ៉េ បានសម្រេចចិត្តកែពីទម្រង់នៃការដឹកជញ្ជូនអ្នកដំណើរទៅជាដឹកទំនិញទាំងអស់។ ជាមួយគ្នានោះ បុគ្គលិកនៃនាយកដ្ឋាននានាបានចូលរួមយ៉ាងសកម្ម និងសហការគ្នាដើម្បីដោះស្រាយការលំបាក និងបញ្ចប់ការរុះរើកៅអីក្នុងយន្តហោះទាំង 4 ពេញមួយយប់ដើម្បីធានាថា យន្តហោះផ្ទុកទំនិញបានដូចការគ្រោងទុក និងហោះឡើងដោយរលូន។ ដែលបង្ហាញយ៉ាងពេញលេញនូវអារម្មណ៍ នៃភាពជាម្ចាស់ការក្រុមហ៊ុនអាកាសចរណ៍ខេមបូឌា អ៊ែរវ៉េ និងគុណភាពវិជ្ជាជីវៈ។
ចាប់តាំងពីក្រុមហ៊ុនអាកាសចរណ៍ ខេមបូឌា អ៊ែរវ៉េបានអនុវត្តជើងហោះហើរលើកដំបូងរបស់ខ្លួនក្នុងការដឹកជញ្ជូនអ្នកដំណើរទៅជាដឹកទំនិញពីទីក្រុងភ្នំពេញទៅកាន់ទីក្រុងអ៊ីវូ ក្រុមហ៊ុនអាកាសចរណ៍ ខេមបូឌា អ៊ែរវ៉េបានអនុវត្តជើងហោះហើរដឹកអ្នកដំណើរទៅទំនិញជាង 282 ជើងដែលមានទម្ងន់ដឹកជញ្ជូនសរុបជិត 3,000 តោន។
ទិសដៅដឹកជញ្ជូនទំនិញរួមមានទីក្រុងស៊ិនជិន គុនមីង ឆឹងទូ អ៊ីវូ ប្រទេសកូរ៉េខាងត្បូង សិង្ហបុរី វៀតណាម មីយ៉ាន់ម៉ា ទីម័រខាងកើត និងបណ្តាប្រទេស និងទីក្រុងផ្សេងទៀត ក្រុមហ៊ុនមានបទពិសោធន៍យ៉ាងសម្បូរបែបក្នុងការដឹកជញ្ជូនទំនិញ ជាពិសេសការធានាដឹកផ្នែកវេជ្ជសាស្ត្រ និងការបង្ការជំងឺឆ្លង និងមានក្រុមធានាប្រកបដោយវិជ្ជាជីវៈ និងចាស់ទុំ។ ពួកគេបានបញ្ចប់ដោយជោគជ័យនូវសម្ភារៈដែលផ្តល់ដោយរដ្ឋាភិបាល។ ដោយការងារធានាការដឹកជញ្ជូន សម្តេចនាយករដ្ឋមន្ត្រី ហ៊ុន សែន បានសរសេរសារថ្លែងអំណរគុណដល់ក្រុមហ៊ុនអាកាសចរណ៍ខេមបូឌា អ៊ែរវ៉េជាច្រើនលើក។
លើកនេះសម្តេចនាយករដ្ឋមន្ត្រី ហ៊ុន សែន បានបង្គាប់ដោយផ្ទល់ដល់ក្រុមហ៊ុនអាកាសចរណ៍ខេមបូឌា អ៊ែរវ៉េររៀបចំយន្តហោះពិសេស ដើម្បីនាំយកគ្រឿងផ្គត់ផ្គង់ទៅមីយ៉ាន់ម៉ា ហើយបានបញ្ជាក់យ៉ាងពេញទំហឹង និងគាំទ្រក្រុមហ៊ុនអាកាសចរណ៍ខេមបូឌា អ៊ែរវ៉េ ដែលឆ្លុះបញ្ចាំងពីភាពរឹងមាំ និងទំនួលខុសត្រូវរបស់ក្រុមហ៊ុនអាកាសចរណ៍ខេមបូឌា អ៊ែរវ៉េ ក្នុងនាមជាក្រុមហ៊ុនអាកាសចរណ៍នាំមុខក្នុងស្រុក!
ក្នុងនាមជាស្លាបរបស់កម្ពុជា ខេមបូឌា អ៊ែរវ៉េ នឹងតែងតែប្រកាន់ខ្ជាប់នូវគោលគំនិតនៃការបម្រើប្រជាពលរដ្ឋ និងរដ្ឋាភិបាលកម្ពុជា ដោយប្រកាន់ភ្ជាប់នូវបេសកកម្មរបស់ខ្លួនក្នុងការលើកកម្ពស់ការផ្លាស់ប្តូររវាងប្រទេសកម្ពុជា និងពិភពលោក និងដើម្បីកសាងស្ពានរវាងប្រទេសកម្ពុជា និងពិភពលោក។ ខិតខំដើម្បីសម្រេចបាននូវចក្ខុវិស័យក្នុងការក្លាយជាជំរើសទីមួយក្នុងវិស័យក្រុមហ៊ុនអាកាសចរណ៍របស់កម្ពុជា។
www.cambodia-airways.com
（+855）87-310-815
[email protected]
