(ភ្នំពេញ)៖ តារាចម្រៀងល្បីឈ្មោះគួរសម ក្នុងសិល្បៈ និយមលេងខ្លួនសិចស៊ី បញ្ចេញដើមទ្រូងកញ្ញា រតនៈ ពិសី ថ្មីៗនេះ បានធ្វើឲ្យទស្សនិកជន ចាប់អារម្មណ៍យ៉ាងខ្លាំង បន្ទាប់ពីនាង ទម្លាយនូវមុខមាត់ពិតរបស់មនុស្សម្នាក់ ដែរអះអាងថា ធានាយកនាងទៅច្រៀងនៅបារាំង តែធាតុពិតមនុស្សដែលអះអាងថា ធានាយកនាងទៅច្រៀងនៅបារាំងនោះ ជាជនឆបោក តែប៉ុណ្ណោះ ដោយទ្រាំលែងបាន ទើបតារាចម្រៀងរូបនេះ ដាច់ចិត្តទម្លាយពីមុខមាត់ពិតរបស់ជនឆបោកនោះ ជាសាធារណៈតែម្ដង។
ពាក់ព័ន្ធនឹងរឿងរ៉ាវ បោកប្រាស់នេះផងដែរ តារាចម្រៀងស្រី រតនៈ ពិសី បានថ្លែងប្រាប់ Fresh News និង Khmertalking ឲ្យដឹងតាមរយៈទូរស័ព្ទថា នាងបានចាញ់បោក ដោយឲ្យលុយទៅឲ្យមនុស្សម្នាក់ ដែលបានអះអាងថា ជាអ្នកធានាឲ្យនាង និងតារាពីរអ្នកផ្សេងទៀត ទៅច្រៀងនៅបារាំង ដែលលុយ១០០ដុល្លារនេះ ជាថ្លៃសេវាសំរាប់បកប្រែឯកសារ ជាភាសារបារាំង ដោយកុហកថាធានា ទៅច្រៀងនិងសម្ដែង ដោយសន្យាថា នឹងឲ្យលុយគ្រប់ចំនួនមកវិញ តែបែរជាមិនឲ្យ។
ស្រីស្រស់ រតនៈ ពិសី បន្តថា «លុយ១០០ដុល្លារ សំរាប់បកប្រែឯកសារ ជាភាសារបារាំង មិនអស្ចារ្យទេហើយ ក៏មិនចង់ខ្មាស់គេដែរ .. តែនេះកុំឲ្យចាញ់ចិត្ដ យាយប៉ិពូកែបោកសម្ដី ផ្អែមនេះ សូមបងប្អូនសិល្បករ-សិល្បការី ទាំងអស់ ប្រយ័ត្នជនឆបោកម្នាក់នេះ ព្រោះគាត់បានបោកប្រាស់សិល្បៈ យើងច្រើននាក់ហើយ ដោយកុហកថាធានា ទៅច្រៀង និងសម្ដែង នៅ ប្រទេស បារាំង។ មិនមែនតែខ្ញុំទេ គឺមានច្រើននាក់ទៀត សូមប្រយ័ត្នជនបោកប្រាស់ម្នាក់នេះ..»។
ជាមួយគ្នានេះ កញ្ញា រតនៈ ពិសី ក៏បានផ្ដាំផ្ញើដល់អ្នកសិល្បៈទាំងអស់ ឲ្យមានការប្រុងប្រយ័ត្ន ចំពោះជនឆបោក ដែលនាងទើបតែបានជួបប្រទះផ្ទាល់នេះ និងបើសិនជាឃើញជនរូបនេះ ឆាតទៅដើម្បីធានាឲ្យចេញទៅសម្ដែងនៅក្រៅប្រទេស សូមកុំចាញ់បោកឲ្យសោះ ដោយកញ្ញា រតនៈ ពិសី បានធ្វើការអះអាងយ៉ាងច្បាស់ថា ជនម្នាក់នេះពិតជាជនឆបោក ដោយបានបោកប្រាស់តារាជាច្រើននាក់មកហើយ ជាពិសេសនោះ គឺបោកប្រាស់ទាំងព្រះសង្ឃថែមទៀតផង៕
