(កូរ៉េ)៖ មានសេចក្ដីរាយការណ៍មួយបានអះអាងថា ប៉ូលិសបានធ្វើសេចក្ដីស្នើសុំ ដើម្បីចាប់ឃាត់ខ្លួន Seungri នៅក្នុងសប្ដាហ៍នេះ។
នៅក្នុងសន្និសិទ្ធមួយ នៅថ្ងៃទី២៩ ខែមេសា ស្នងការនៃទីភ្នាក់ងារប៉ូលីសទីក្រុងសេអ៊ូល នៅក្រុងសេអ៊ូល លោក Won Kyung Hwan បានចាប់ផ្ដើមបញ្ចេញសកម្មភាពទៅលើជនសង្ស័យ ២៣នាក់ ដែលមានជាប់ពាក់ព័ន្ធក្លឹប Burning Sun។
បើគិតមកទល់ពេលនេះ គឺមានរយៈពេល ៣ខែមកហើយ ដែលគេចាប់ផ្ដើមធ្វើការស៊ើបអង្កេតឃើញ ទៅលើក្លឹប Burning Sun ហើយការស៊ើបអង្កេតនេះ គឺបញ្ចប់ម្ដងពីមួយទៅមួយ។ គេបានចាត់វិធានការប្រឆាំងនឹងជនសង្ស័យចំនួន ២៣នាក់ ដែលមានជាប់ទាក់ទងនឹង ការថត និងចែកចាយ ថ្នាំញៀន របស់តារាល្បីៗជាច្រើននាក់។ ហើយចំពោះការស៊ើបអង្កេតទៅលើអតីតតារាចម្រៀងដ៏ល្បី លោក Seungri ក៏បានបិទបញ្ចប់នៅក្នុងសប្ដាហ៍នេះផងដែរ។
ពាក់ព័ន្ធទៅនឹងការចាប់ខ្លួន Seungri លោកស្នងការ Won បានអះអាងថា ពួកគេនឹងត្រូវដាក់ដីកាចាប់ខ្លួន ប៉ុន្តែការសម្រេចចិត្តចុងក្រោយ នឹងត្រូវធ្វើឡើងដោយតុលាការ។
Seungri ត្រូវបានគេសង្ស័យថា បានផ្ដល់សេវាកម្មពេស្យាចារ ក្នុងអំឡុងពេលពិធីបុណ្យណូអែលនៅខែធ្នូឆ្នាំ ២០១៥ ទៅឲ្យអ្នកវិនិយោគជប៉ុនម្នាក់។ ប៉ូលីសបាននិយាយថា ការពិតទាក់ទងនឹងពិធីខួបកំណើតរបស់ Seungri នៅក្នុងប្រទេសហ្វីលីពីន ត្រូវបានបញ្ជាក់ តាមរយៈការស៊ើបអង្កេត ហើយបច្ចុប្បន្នពួកគេកំពុងពិនិត្យឯកសារ ដែលពួកគេ បានទទួលពីផលិតកម្ម YG Entertainment ទាក់ទងនឹងការផ្ដល់សេវាកម្មពេស្យាចារ នៅក្នុងខែធ្នូ ឆ្នាំ២០១៥៕