(កូរ៉េ)៖ Irene សមាជិកក្រុម Red Velvet បានចេញមុខឆ្លើយតបទៅនឹងពាក្យចចាមអារ៉ាម ដែលនិយាយថាប្រធានាធិបតីកូរ៉េ ខាងជើងលោក Kim Jong Un ជាអ្នកគាំទ្ររបស់នាង។
នៅថ្ងៃនេះ ក្នុងកម្មវិធី «I’ll Win You Over With My Channel» របស់ទូរទស្សន៍ SBS, Irene ត្រូវបានសួរពីបទពិសោធន៍របស់នាង ដែលបានចូលរួមក្នុងព្រឹត្តិការណ៍ប្រគំតន្រ្តីប្រវត្តិសាស្ត្រ នៅកូរ៉េខាងជើងកាលពីឆ្នាំមុន។
ពេលនោះពិធីករ Kang Ho Dong លើកឡើងថា មានពាក្យចចាមអារ៉ាមថា លោកប្រធានាធិបតី Kim Jong Un ជាអ្នកគាំទ្ររបស់ Irene បន្ទាប់ពី គេឃើញលោកឈរនៅជិតនាងក្នុងរូបថតជាក្រុម ប៉ុន្តែត្រូវបានតារាស្រីរូបនេះបដិសេធថា «វាមិនពិតទេ»។ នាងបានពន្យល់ថា «យើងបានថតរូបភ្លាមៗក្នុងលក្ខណៈ ជាក្រុមបន្ទាប់ពីការសម្តែងរបស់យើង។ ចៃដន្យអី នាងត្រូវបានគេរុញឲ្យឈរនៅក្បែរលោក Kim Jong Un តែមិនមានអត្ថន័យពិសេសអ្វីលើសពីនេះទេ»។ ជាមួយគ្នានេះ Irene និយាយថា នាងបានដឹងដំណឹងចចាមអារ៉ាមនេះបន្ទាប់ពី ត្រឡប់ទៅទីក្រុងសេអ៊ូលវិញ៕