(ភ្នំពេញ)៖ កម្មវិធីប្រឡងប្រកួតប្រជែងសម្រស់ សមត្ថភាព និងទេពកោសល្យ លំដាប់ថ្នាក់ ពិភពលោក «Miss Universe» ឆ្នាំ២០១៨ បានប្រព្រឹត្តឡើង អស់រយៈពេលច្រើនថ្ងៃ និង ច្រើនសប្តាហ៍រួចមក ខណៈដែរ ការប្រកួតវគ្គផ្តាច់ព្រ័ត្រ ដែលប្រព្រឹត្តទៅនៅទីក្រុងបាងកក នាព្រឹកថ្ងៃទី ១៧ ខែធ្នូ ២០១៨ នេះ។ យ៉ាងណាមិញ ក្រោយឆ្លងកាត់ការប្រកួតប្រជែង ដ៏ស្វិតស្វាញ ទីបំផុត គេបានរកឃើញ ម្ចាស់ជ័យលាភី គ្រងមកុដ «Miss Universe» ហើយដោយបានទៅលើ បវរកញ្ញាតំណាងជាតិ មកពីប្រទេសហ្វីលីពីន នាង Catriona Gray ដោយយកឈ្នះបេក្ខនារី មកពីជាង៩០ប្រទេស ជុំវិញពិភពលោក។
ដោយឡែក ខណៈ បវរកញ្ញា ប្រទេសហ្វីលីពីន ក្តោបបានតំណែងជាម្ចាស់ម្កុដ ក្នុងនោះគេក៏បានរកឃើញ បវរកញ្ញារងទី១ បានទៅបេក្ខនារី មកពីអាហ្រ្វិកខាងត្បូង (South Africa) និង បវរកញ្ញារងទី២ បានទៅលើ ស្រីស្អាតមកពីប្រទេស វេណេហ្ស៊ុយអេឡា ( Venezuela )។
យ៉ាងណាមិញ ចំពោះជ័លលាភី នេះដែរ គេសង្កេតឃើញ មានការចូលរួមអបអរសាទរជាច្រើន ពីសំណាក់មហាជន ជុំវិញពិភពលោក ជាពិសេសគឺ ប្រជាជនប្រទេសហ្វីលីពីន ទាំងមូលតែម្ដង៕