(ភ្នំពេញ)៖ តារាចម្រៀងស្រីសាច់សខ្ចីស្ថិតក្នុងដួងចិត្តយុវវ័យ ប្រចាំផលិតកម្មសាន់ដេ កញ្ញា យូរី ត្រូវបានគេសង្កេតឃើញថា នាងជាតារាចម្រៀងស្រីវ័យក្មេងមួយរូប មានភាពល្បីល្បាញ និងទទួលបានការគាំទ្រខ្លាំងពីសំណាក់យុវវ័យសម័យថ្មី។ ជាមួយគ្នានេះដែរ តារាស្រីរូបនេះតែងតែបញ្ចេញបទចម្រៀងថ្មីៗ ជាពិសេសនោះគឺបទចម្រៀងបែបញាក់កន្ត្រាក់អារម្មណ៍តែម្ដង តួយ៉ាងដូចជាពេលថ្មីៗនេះ កញ្ញា យូរី បានបញ្ចេញបទចម្រៀងរបស់ខ្លួន មានចំណងជើងថា «ស្វាបាប៊ូ» ដែលជា Full MV ម្យ៉ាងវិញទៀតលាយឡំជាមួយនឹងក្បាច់រាំយ៉ាងរស់រវើក គឺកាន់តែធ្វើឲ្យចម្រៀងមួយបទនេះ កំពុងតែជាចំណីអារម្មណ៍ប្លែកមួយបែបទៀតសម្រាប់យុវវ័យ ខណៈបទនេះគឺទទួលបានការចាប់អារម្មណ៍ និងគាំទ្រខ្លាំង គួរឲ្យកត់សម្គាល់ពីសំណាក់ទស្សនិកជន។
គេចាំបានថាមួយរយៈមុន គ្រាន់តែបង្ហោះ Trailer បទចម្រៀងនេះភ្លាម មានការចាប់អារម្មណ៍ និងផ្ទុះខ្លាំងពីសំណាក់អ្នកគាំទ្រ ខណៈដែលម្នាក់ៗទន្ទឹងរង់ចាំការចេញនូវ Full MV របស់បទចម្រៀងមួយនេះ។
ក្រោយពីបានទស្សនាក៏មានការសរសើរ និងលើកឡើងថា ការសម្តែងបទនេះពិតជាទាក់ទាញទាំងការតែងខ្លួន ជាស្វាបាប៊ូ មករាំលេង ដែលមើលទៅពិតជាប្លែក ជាពិសេសទាំងក្បាច់រាំ ទាំងការតុបតែងខ្លួន និងចង្វាក់ភ្លេង គឺប្លែក និងពីរោះទាក់ទាញអារម្មណ៍យុវវ័យតែម្តង៕
ចង់ដឹងថា Full MV «ស្វាបាប៊ូ» ទាក់ទាញ និងពិរោះខ្លាំងដល់កម្រិតណាស់នោះ សូមប្រិយមិត្តទស្សនិកជនរីករាយទស្សនាទាំងអស់គ្នា៖