(ភ្នំពេញ)៖ អ្នកនាង ដេននី ក្វាន់ ត្រូវបានមហាជនជាច្រើន ស្គាល់យ៉ាងច្បាស់ថា ជាកំពូលតារាស្រីសិចស៊ី ព្រមទាំងមានរូបសម្រស់ស្រស់ស្អាត និងទាក់ទាញក្រសែ ភ្នែកមហាជនជាច្រើន។ យ៉ាងណាមិញ តារាស្រីសិចស៊ី ចូលចិត្តបញ្ចេញដើមទ្រូងរូបនេះ ត្រូវបានគេសង្កេតឃើញថា មិនសូវមានវត្តមានច្រើន ខាងវិស័យសិល្បៈក្ដី ក៏ ដេននី ក្វាន់ នៅតែរកចំណូល បានយ៉ាងកាក់កប លើមុខជំនួញ លក់ផលិតផលថែរក្សាសម្រស់ របស់នាងផងដែរ ជាពិសេសពេលថ្មីៗនេះនាងបាន ទិញការដូល្អៗជូនខ្លួនឯងហើយ បានបង្ហោះរូបភាពឈុតនាឡិកាពេជ្រ និងចិញ្ចៀនពេជ្រដ៏ស្រស់ស្អាត ថែមទាំងមានតម្លៃ ធ្វើឲ្យប្រិយមិត្តទស្សនិកជន មានការចាប់អារម្មណ៍យ៉ាងខ្លាំង។
ជាក់ស្ដែង ដេនី ក្វាន់ បានបង្ហោះរូបនាឡិកាពេជ្រ និងចិញ្ចៀនពេជ្រ ព្រមទាំងសរសេររៀបរាប់ថា «ថ្ងៃនេះលុយខ្លួនឯងទិញកាដូជូនខ្លួនឯង ការដែលយើងចំណាយលុយ ទៅទិញគ្រឿងសំភារៈនិយម វាមិនមែនជាការខ្ជះខ្ជាយទេ តែវាជាការជូនកាដូទៅខ្លួនឯង ដែលខំប្រឹងរកលុយយូរហើយ គ្រាន់តែទិញនូវអ្វីដែលយើង ស្រឡាញ់គឺមិនខុសទេ គឺវាកាន់តែមានមោទនភាព ចំពោះខ្លួនឯងបំផុត ដែលយើងអាចមានលទ្ធភាពទិញរបស់ ដែលយើងស្រឡាញ់ ដោយមិនចាំបាច់ពឹងលើ លុយពុកម៉ែដូចកាលនៅកូនក្មេង»។
គួរបញ្ជាក់ផងដែរថា បើតាមការឲ្យដឹងពីសំណាក់ តារាសម្ដែងសិចស៊ី កញ្ញា ដេននី ក្វាន់ នាឡិកាពេជ្រ ដែលនាងបានទិញ គឺមានតម្លៃ ២១៩០០ដុល្លារ និងចិញ្ចៀនពេជ្រ មានតម្លៃដល់ទៅ ៤៩៤៩៤ដុល្លារ ឯណោះ៕
