(ភ្នំពេញ)៖ មួយរយៈចុងក្រោយនេះ គេសង្កេតឃើញតារាចម្រៀង ព្រមទាំងតារាសម្ដែងភាគច្រើន បានងាកទៅចាប់អារម្មណ៍ ទៅលើការធ្វើជំនួញដីធ្លី។ ដោយឡែក បើក្រឡេកមកមើល តារាចម្រៀងស្រីជួរមុខ ប្រចាំផលិតកម្មហង្សមាស កញ្ញា ឱក សុគន្ធកញ្ញា ថ្មីៗនេះ ត្រូវបានគេដឹងថា នាងបានចំណាយលុយ ទិញខុនដូ ចំនួន៦ សម្រាប់ស្នាក់នៅ ក៏ដូចជាជួលឬលក់បន្ត ដែលការចំណាយទៅលើជំនួញនេះ មិនតិចជាងម៉ឺនដុល្លារនោះដែរ។
ជាការពិតណាស់ កំពូលតារាចម្រៀង ឱក សុគន្ធកញ្ញា បានសំរេចចិត្ត ទិញនូវខុនដូចំនួន៦ និងបានក្លាយ ជាម្ចាស់ខុនដូ មួយរូបហើយអ្វីដែរគួរឲ្យចាប់អារម្មណ៍ខ្លាំង ជាងនេះទៅទៀតនោះ ឱក សុគន្ធកញ្ញា បានក្លាយទៅជាអគ្គរាជទុតសុឆន្ទៈ តំណាងក្រុមហ៊ុនមួយនេះ ខណៈដែលនាងបានធ្វើការចុះកិច្ចសន្យា ធ្វើជាតំណាងឲ្យក្រុមហ៊ុន លក់ខុនដូមួយនេះ កាលពីថ្ងៃទី២៩ ខែកញ្ញា ឆ្នាំ២០១៨ កន្លងទៅ។
ទន្ទឹមគ្នានេះផងដែរ កញ្ញា ឱក សុគន្ធកញ្ញា បានឲ្យដឹងថា នាងមានកិត្តិយសខ្លាំងណាស់ ដែលខ្លួនបានក្លាយ ទៅជាអ្នកតំណាងផ្តាច់មុខរបស់គម្រោង The R&F Glory ដែលជាក្រុមហ៊ុន លក់ខុនដូរ ដែលនាងបានធ្វើជាម្ចាស់ដំបូងគេ ដែលសម្រេចចិត្តទិញ នូវខុនដូរចំនួន៦ របស់ក្រុមហ៊ុននេះ។
គួរបញ្ជាក់ថា តារាចម្រៀងស្រីវ័យ ៣០ឆ្នាំ សម្រស់ចាំ ឱក សុគន្ធកញ្ញា បច្ចុប្បន្នគេសង្កេតឃើញថា នាងមានភាពមមាញឹកនឹងការងារសិល្បៈ ជាពិសេសនោះ នាងតែងតែបញ្ចេញ នូវបទចម្រៀងថ្មីៗជាច្រើន ព្រមទាំងទទួលបានការគាំទ្រយ៉ាងច្រើន ពីសំណាក់ទស្សនិជនផងដែរ៕