(ភ្នំពេញ)៖ លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានលើកឡើងពីទីផ្សារនាំចេញសំខាន់ៗរបស់កម្ពុជា ក្នុងនោះរួមមានទីផ្សារនៃប្រទេស RCEP ដែលមានសមាជិក ១៥ប្រទេសរួមទាំងកម្ពុជា និងទីផ្សារសហរដ្ឋអាមេរិក។

ការលើកឡើងរបស់មន្ត្រីជាន់ខ្ពស់ពាណិជ្ជកម្មធ្វើឡើងក្នុងកិច្ចពិភាក្សាកម្មវិធី Fresh Business របស់ទូរទស្សន៍ Fresh News ដែលជជែកលើប្រធាទបទ៖ «ឥទ្ធិពលជំរុញកំណើនពាណិជ្ជកម្មកម្ពុជា»។

តួលេខរបស់ក្រសួងពាណិជ្ជកម្មបានឱ្យដឹងថា នៅឆ្នាំ២០២៤ កម្ពុជានាំចេញទៅទីផ្សារ RCEP មានទឹក​ប្រាក់ ៩ពាន់លានដុល្លារ កើនឡើងជិត១៣ភាគរយ មានចំណែក៣៤ភាគរយនៃការនាំចេញសរុប។ ចំណែកទីផ្សារអាមេរិកវិញ កម្ពុជានាំចេញសម្រេចបានទឹកប្រាក់ខ្ទង់ ១០ពាន់លានដុល្លារកើនជាង ១១ភាគរយ មានចំណែកជាង ៣៧ភាគរយនៃការនាំចេញសរុប។

នៅឆ្នាំ២០២៤ ទំហំពាណិជ្ជកម្មកម្ពុជា សម្រេចបានទឹកប្រាក់ជាង ៥៥ពាន់លានដុល្លារ កើនជាង១៥ភាគរយ ក្នុងនោះការនាំចេញមានទឹកប្រាក់ជាង ២៦ពាន់លានដុល្លារ និងនាំចូលមានទឹកប្រាក់ជាង ២៨ពាន់លានដុល្លារ៕

សូមស្តាប់ការលើកឡើងរបស់លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម៖