(កំពង់ធំ)៖ លោកឧត្តមសេនីយ៍ទោ សោម ស៊ុន មេបញ្ជាការរងយោធភូមិភាគទី៤ និងមេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការីផ្សព្វផ្សាយសភាពការណ៍ថ្មីៗមួយចំនួនជូនដល់កងកម្លំាងអន្តរាគមន៍ របស់បញ្ជាការដ្ឋានវរសេនាតូចលេខ១ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលជាកម្លាំងត្រៀមបម្រុងអន្តរាគមន៍ ដោះស្រាយយថាហេតុផ្សេងៗដែលអាចកើតឡើងនៅទូទាំងខេត្តកំពង់ធំ។
ការផ្សព្វផ្សាយសភាពការណ៍នេះ គឺដើម្បីរក្សាសន្តិសុខ សណ្តាប់ធ្នាប់ សុវត្ថិភាព និងសេចក្ដីសុខសាន្តជូនប្រជាជន ព្រមជាមួយនោះបានប្រគល់ភារកិច្ចសំខាន់ៗមួយចំនួនបន្ថែមទៀតជូនដល់កងកម្លំាង ក្នុងការទទួលខុសត្រូវខ្ពស់ចំពោះភារកិច្ចរបស់ខ្លួន។
ក្នុងពិធីនេះផងដែរ លោកឧត្តមសេនីយ៍ទោ សោម ស៊ុន រួមនឹងថ្នាក់ដឹកនាំបញ្ជាការដ្ឋានតំបន់ប្រតិបត្តិការសឹករងកំពង់ធំ បានឧបត្ថម្ភជូនដល់កងកម្លំាងនូវអង្ករចំនួន ២៥០គីឡូក្រាម មីយើង ១០កេះ ត្រីខកំប៉ុង ៤កេះ សាច់កំប៉ុង ២កេះ និងថវិកាមួយចំនួន។
កងកម្លាំងបញ្ជាការដ្ឋាន តំបន់ប្រតិបត្តិការសឹករងកំពង់ធំទាំងអស់គ្នា សូមប្តេជ្ញាចិត្តដាច់ខាតគាំទ្រ និងការពាររាជរដ្ឋាភិបាលស្របច្បាប់ ដែលដឹកនាំដោយសម្តេចតេជោ ហ៊ុន សែន។ ប្រឆាំងដាច់ខាតរាល់ការញុះញង់បំបែកបំបាក់កងកម្លាំងប្រដាប់អាវុធ ពីសំណាក់ជនក្បត់ជាតិ ដែលតែងតែលាបពណ៌ប្រជាពលរដ្ឋឲ្យស្អប់គ្នាទៅវិញទៅមក៕
