(ភ្នំពេញ)៖ នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ដ្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោកស្រី ម៉ៅ ម៉ាល័យ ព្រមទាំងបុត្រ និងចៅ មានទុក្ខយ៉ាងក្រៀមក្រំ ដោយលោកយាយមហាឧបាសិកា មុយ លីវ ត្រូវជាម្តាយ ម្តាយក្មេក យាយ បានទទួលមរណភាព នៅវេលាម៉ោង១០៖៤៥នាទីយប់ ថ្ងៃទី១ ខែកក្កដា ឆ្នាំ២០១៧ ក្នុងជន្មាយុ៧៩ឆ្នាំ ដោយជរាពាធ, នេះបើយោងតាមជំនួយការរបស់នាយឧត្តមសេនីយ៍ កែ គឹមយ៉ាន ប្រាប់អង្គភាពព័ត៌មាន Fresh News នៅព្រឹកថ្ងៃអាទិត្យនេះ។
នាយឧត្តមសេនីយ៍ កែ គឹមយ៉ាន បានបង្ហោះនៅលើ Facebook ផ្ទាល់ខ្លួនយ៉ាងដូច្នេះថា «ម្ដាយរបស់ខ្ញុំ បានទទួលមរណភាពហើយនៅយប់មិញនេះ (My mother she pass away last night)»។
ព័ត៌មាននេះ ចាត់ទុកដូចជាការអញ្ជើញដល់បងប្អូន ញាតិមិត្តជិតឆ្ងាយ ចូលក្នុងពិធីបុណ្យសពនេះ ដែលប្រារព្ធនៅគេហដ្ឋានរបស់នាយឧត្តមសេនីយ៍ ក្នុងហ្រ្គេនភ្នំពេញ៕
