(ភ្នំពេញ)៖ ជាមេទ័ពដឹកនាំការប្រយុទ្ធជាច្រើនរយសមរភូមិ នៅក្នុងសង្ក្រាមដើម្បីរំដោះប្រទេសជាតិ និងប្រជាជនចេញពីរបបខ្មែរក្រហម ដឹកនាំការប្រយុទ្ធ ដើម្បីទប់ស្កាត់ការវិលវិញ នៃរបបប្រល័យពូជសាសន៍នេះ និងដឹកនាំការស្តារ និងកសាងប្រទេសឡើងវិញក្រោយពីជាតិ និងប្រជាជនហែលឆ្លងកាត់ឈាម និងទឹកភ្នែកឱ្យមានសន្តិភាព និងការអភិវឌ្ឍរីកចម្រើនដូច សព្វថ្ងៃនេះ សម្តេចតេជោ ហ៊ុន សែន នឹងដឹកនាំក្បួនឃោសនាបោះឆ្នោតដ៏ធំ មិនដែលធ្លាប់មាននៅថ្ងៃទី២ ខែមិថុនា ឆ្នាំ ២០១៧ ដែលជាថ្ងៃបញ្ចប់ការឃោសនាបោះឆ្នោត ក្រុមប្រឹក្សាឃុំសង្កាត់ ដោយមានសកម្មជន និងអ្នកគាំទ្រគណបក្សប្រជាជនកម្ពុជា យ៉ាងហោចណាស់ចំនួន ១៥ម៉ឺននាក់ចូលរួម។
នេះគឺជាលើកទី១ ដែលសម្តេចតេជោ បានចូល រួមក្នុងក្បួនដង្ហែរឃោសនាបោះឆ្នោត ហើយក៏ជាសេចក្តីរីករាយឥតឧបមារបស់សកម្មជន និងអ្នកគាំទ្រគណបក្សប្រ ជាជនកម្ពុជាជាច្រើនលាននាក់នៅក្នុងប្រទេសកម្ពុជា ដែលវត្តមានរបស់សម្តេចតេជោគឺជាការផ្តល់កម្លាំង ចិត្តនិងភាពកក់ក្តៅកាន់តែខ្លាំងថែមទៀត ដើម្បីនាំយកជ័យជម្នះភ្លូកទឹកភ្លូកដីជូនគណបក្សប្រជាជនកម្ពុជាក្នុងការបោះឆ្នោតនៅថ្ងៃអាទិត្យ ទី៤ ខែមិថុនា ឆ្នាំ ២០១៧ ខាងមុខនេះ។
មេទ័ពនគរទេវតាដឹកនាំក្បួនឃោសនា នៅថ្ងៃនេះ គឺដើម្បីការពារសន្តិភាព ដែលរកបានមកដោយពិបាក និង ការពារការអភិវឌ្ឍដែលជាតិ និងប្រជាជនកម្ពុជាកំពុងតែមាន និងបន្តការពារសម្រាប់មនុស្សជំនាន់ៗក្រោយទៀត ព្រមទាំងប្រឆាំងដាច់ខាតនូវការប៉ុនប៉ងនាំកម្ពុជា ចូលទៅក្នុងភាពចលាចល សង្គ្រាមនិងបដិវត្តន៍ពណ៌។ ក្បួនឃោស នាខ្នាតយក្សរបស់គណបក្សប្រជាជនកម្ពុជា គឺជាក្បួនយុទ្ធសាស្ត្រមួយ ដែលគ្រាន់តែឮសន្ធឹកជើង ប្រវែងរបស់ក្បួន ចំនួនអ្នកចូលរួមកធ្វើឱ្យគូប្រកួតនយោបាយ ដែលគ្មានអ្វីក្រៅពីធ្វើនយោបាយបោកប្រាស់ ភូតភររាស្ត្រភ័យស្លន់ស្លោរ ឡើយបាត់ព្រលឹងពីក្នុងខ្លួន។
នេះគឺជាកម្លាំងពិតរបស់គណបក្សប្រជាជនកម្ពុជា និងមានកម្លាំងគាំទ្ររាប់លាននាក់ពីក្រោយថែមទៀត។ ការចូលរួមដ៏ច្រើនកុះកររបស់សកម្មជន និងអ្នកគាំទ្រនេះ គឺបង្ហាញពីការរួមសាមគ្គីគ្នា របស់គណបក្សប្រជាជនកម្ពុជាជ្រោងទង់សន្តិភាព និងការអភិវឌ្ឍរួមគ្នាក្រោមដំបូលជាតិខ្មែរតែមួយ។ មានតែគណបក្ស ប្រជាជនកម្ពុជាតែមួយគត់ប៉ុណ្ណោះ រហូតមកទល់ពេលនេះ ដែលជាគណបក្សគួរជាទីទុកចិត្តរបស់ប្រជាពលរដ្ឋ ជា គគណបក្សដែលមានភាព ចាស់ទុំនយោបាយ និងមានធនធានមនុស្សហូរហៀរ ដើម្បីដឹកនាំប្រទេសជាតិឆ្ពោះទៅរក ភាពរីកចម្រើនខ្លាំងក្លាបន្ថែមទៀត ក្នុងពេលបច្ចុប្បន្ន និងទៅថ្ងៃអនាគត។
រយៈពេលជាង ៣៨ ឆ្នាំមកនេះ កម្ពុជាបានបោះជំហានទៅមុខជានិច្ច ក្នុងដំណើរអភិវឌ្ឍជាតិលើគ្រប់វិស័យ បានធ្វើឱ្យកម្ពុជាជារដ្ឋអធិបតេយ្យមួយ ពេញលេញ មានបូរណភាពដែនដី ឯករាជភាព និងឯកភាពទឹកដី បានធ្វើឱ្យ ជីវភាពប្រជាជនក្រីក្រ ១០០% នៅឆ្នាំ ១៩៧៩ មកមានភាពធូរធារនាពេលបច្ចុប្បន្ន មានការងារធ្វើ មានប្រាក់បៀវត្សរ៍សមរម្យ និង មានការកេរ្តិ៍ឈ្មោះល្អនៅលើសកលលោក ក្នុងកិច្ចថែរក្សាសន្តិភាពក្រោមឆ័ត្រ របស់អង្គការសហប្រជាជាតិ។ វិស័យអប់រំសិក្សាធិការ សង្គមវប្បធម៌មានការរីកចម្រើន ហេដ្ឋារចនាសម្ព័ន្ធផ្លូវថ្នល់ ស្ពានត្រូវបានសាងសង់ឡើងខ្វាត់ខ្វែង នៅលើផ្ទៃប្រទេស ឆ្លើងកាត់ទន្លេរាប់មិនអស់។ មន្ទីរពេទ្យ សាលារៀន វត្តអារ៉ាម ប្រព័ន្ធធារាសាស្ត្រត្រូវបានសាងសង់ និងមានវត្តមានគ្រប់ទីកន្លែង។ ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការអភិវឌ្ឍវិស័យទេសចរណ៍ ត្រូវបានធ្វើឡើងយ៉ាងម៉ត់ចត់ ដើម្បីផលប្រយោជន៍ជាតិ និងប្រជាជន។
ក្បួនឃោសនាបោះ ឆ្នោតដ៏ធំនេះក៏ដើម្បីបង្ហាញថាពលរដ្ឋខ្មែរ ត្រូវការសន្តិភាព និងការអភិវឌ្ឍ មិនត្រូវការឡើយការបោកប្រាស់ និងសង្គ្រាមវិនាសកម្មដែលបង្កឡើងដោយពាក្យសម្តី ការញុះញង់របស់បក្សប្រឆាំង។ រាស្ត្រខ្មែរភាគច្រើនលើសលប់នឹង នៅជាមួយគណបក្សប្រជាជនកម្ពុជា គាំទ្រគណបក្សប្រជាជន និងបោះឆ្នោតគាំទ្រគណបក្សប្រជាជនកម្ពុជា ដើម្បី បន្តដឹកនាំនាវាកម្ពុជាក្នុងសុខសន្តិភាព និងការអភិវឌ្ឍបន្តទៀត! សូមក្បួនទ័ពទេវតាសុខសុវត្ថិភាព និងជោគជ័យ គ្រប់កាលៈទេសៈទាំងអស់ជាពិសេសជ័យជម្នះភ្លូកទឹកភ្លូកដី នៅក្នុងការបោះឆ្នោតថ្ងៃទី៤ ខែមិថុនាខាងមុខ៕
ដោយ៖ ចៅចាក់ស្មុក
