(បារាំង)៖ ក្រោយលោក Macron ជាប់ឆ្នោតនោះ, នៅថ្ងៃអាទិត្យ ទី១៤ ខែឧសភា ឆ្នាំ២០១៧នេះ ប្រធានាធិបតីជាប់ឆ្នោតរបស់បារាំងលោក Macron បានស្បថចូលកាន់តំណែងជាផ្លូវការហើយ។ ដោយអតីតប្រធានាធិបតីបារាំងលោក ហូឡង់ ក៏បានអញ្ជើញចាកចេញពីវិមានប្រធានាធិបតី Elysee រួចហើយ។​

លោក Macron ត្រូវបានជាប់ឈ្មោះជាប្រធានាធិបតីវ័យក្មេងជាង ដោយមានវ័យត្រឹមតែ៣៩ឆ្នាំប៉ុណ្ណោះ។ លោកធ្លាប់ត្រូវបានតែងតាំងជារដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ ក្នុងខែសីហា ឆ្នាំ២០១៤។ ក្នុងនាមជារដ្ឋមន្ត្រី​សេដ្ឋកិច្ច លោក Macron លេចធ្លោដោយសារ​ការជម្រុញ កំណែទម្រង់​ពាណិជ្ចកម្មបែប​មិត្តភាព។ នៅថ្ងៃទី៣០ ខែសីហា ឆ្នាំ២០១៦ លោក Macron បានលាលែងពី​ដំណែងរដ្ឋាភិបាល នៅមុនព្រឹត្តិការណ៍​បោះឆ្នោតជ្រើសរើស​ប្រធានាធិបតី​ឆ្នាំ២០១៧។

លោកប្រធានាធិបតីបារាំង Emmanuel Macron មានភរិយាគឺលោកស្រី Brigitte Trogneux (ស្រ្តីទី១របស់បារាំង) ដែលមានវ័យចំណាស់ជាង​លោករហូតដល់២៤ឆ្នាំ។ បុរសវ័យ៣៩ឆ្នាំរូបនោះបានប្រកាសក្នុងពេលដែលលោកទទួលបាន​ជោគជ័យ ក្នុងព្រឹត្តិការណ៍បោះឆ្នោត​ជុំទីមួយ ដែលប្រព្រឹត្តទៅកាល​ពីខែមេសាកន្លងទៅថា «បើគ្មាននាង ខ្ញុំប្រហែល​មិនមែនជាខ្ញុំ​ក្នុងពេលនេះនោះ​ទេ»៕