(ភ្នំពេញ)៖ ក្រុមហ៊ុន Cellcard នាថ្ងៃទី២៩ ខែមេសា ឆ្នាំ២០១៧ បាននឹងកំពុងរៀបចំកម្មវិធី Super Data Race ដែលអាចនឹងទាក់ទាញអ្នកចូលរួមប្រកួតប្រមាណជាង១ពាន់នាក់។
កម្មវិធី Super Data Race នេះតំរូវឲ្យបេក្ខជនបំពេញបេសកម្ម តាមគោលដៅនានា ជាមួយបទពិសោធឌីជីថលតាមរយៈ Super Data Race app។ អ្នកទាំងអស់អាចទាញយក បានដោយឥតគិតថ្លៃ ក្នុង Google Play Store និង Apple Store។
App នេះត្រូវប្រើសម្រាប់ការប្រកួតនេះ នឹងបង្ហាញពីទីតាំងនៃបេសកម្មតាមគោលដៅនីមួយៗ និងសកម្មភាពដែលបេក្ខជនត្រូវ
បំពេញដើម្បីទៅគោលដៅ បន្តបន្ទាប់រហូតដល់គោលដៅចុងក្រោយ មិនតែប៉ុណ្ណោះ Super Data Race App អាចភ្ជាប់ជាមួយ
បណ្តាញសង្គមហ្វេសប៊ុក ដូចច្នេះអ្នកអាចចែករំលែកសកម្មភាព នៃបេកកម្មរបស់អ្នកទៅកាន់មិត្តភក្ដិ និងក្រុមគ្រួសារដើម្បីតាមដាន។
App នេះត្រូវបានបង្កើតដោយ លោក អ៊ា អ៊ុយ ដែលប្រើជាភាសាខ្មែរទាំងស្រុង ដែលបង្ហាញពីការគាំទ្ររបស់ក្រុមហ៊ុន ក្នុងការលើក
ស្ទួយទេពកោសល្យ និងភាពប៉ិនប្រសប់របស់យុវជនខ្មែរ។
កម្មវិធីនេះដែលនឹងតម្រូវរកអ្នកឈ្នះចំណាត់ថ្នាក់លេខ១ លេខ២ និងលេខ៣។ ដោយអ្នកទទួលបានជយលាភីលេខមួយនឹងទទួលបានទឹកប្រាក់ចំនួន៥ពាន់ដុល្លារ ជយលាភីលេខទីទទួលបានម៉ូត Zoomer X ចំនួន១គ្រឿង និងជយលាភីលេខ៣ទទួលបាន iPhone 7 ពណ៌ក្រហមចំនួន១គ្រឿងផងដែរ។ រង្វាន់ទាំងនេះកំពុងតែរង់ចាំម្ចាស់ជយលាភីទាំងបី ដែលបំពេញបេសកម្មបញ្ចប់ និងមកដល់គោលដៅចុងក្រោយមុនគេ ហើយអ្នក១០នាក់បន្ទាប់ នឹងទទួលបានគម្រោងអ៊ីនធើណេតប្រើប្រាស់រវៈពេលពេញមួយឆ្នាំដោយឥតគិតថ្លៃផងដែរ។ លើសពីនេះទៀត ក្រោយពីការប្រកួតបញ្ចប់ក៏មានកម្មវិធីជប់លៀងនិងការប្រគំតន្ត្រី ដោយមានការ
ចូលរួមពី កញ្ញា រ៉េត ស៊ូហ្សាណា និងការសម្ពោធយុទ្ធនាការ LightUpKH របស់ក្រុមហ៊ុន ដែលនាំមកជូនដោយ Cellcard
សម្រាប់បេក្ខជនចូលរួមទាំងអស់ផងដែរ។
កម្មវិធីនេះគឺរៀបចំឡើង ដើម្បីអបអរសាទរដល់ការកែលម្អបណ្ដាញសេវាសែលកាត ដែលមានអង់តែន 4G ថ្មីរាប់ពាន់ត្រូវបាន
ដំឡើងរួចរាល់ទូទាំងប្រទេស ក៏ដូចជាការអភិវឌ្ឍន៍អង់តែន 3G ដើម្បីបង្កើនគុណភាពទាំងសេវាគ្របដណ្ដប់ និងល្បឿនផងដែរ។ តាមរយៈការកែលម្អទាំងនេះ Cellcard នឹងផ្ដល់ជូនប្រជាជនកម្ពុជានូវសេវាអ៊ីនធើណិតល្បឿនលឿនដែលមិនធ្លាប់មាន ព្រមទាំង
សេវា គ្របដណ្ដប់ដ៏ធំទូលាយបំផុតផងដែរនៅកម្ពុជា។
លោក អៀន វ៉ាតសុន នាយកប្រតិបត្តិក្រុមហ៊ុន សែលកាត បានថ្លែងថា «Cellcard ផ្តោតសំខាន់លើទស្សនវិស័យរបស់ខ្លួនក្នុង
ការផ្ដល់ជូននូវសេវាអ៊ីនធើណិតទូរស័ព្ទតម្លៃសមរម្យដល់ប្រជានជនកម្ពុជាទាំងអស់។ Cellcard បានជំរុញការប្ដេជ្ញារបស់ខ្លួន
តាមរយៈការវិនិយោគដ៏ធំបំផុតលើបណ្ដាញសេវាក៏ដូចជាការផ្ដល់ជូននូវអត្ថប្រយោជន៍ល្អបំផុតដូចជាសេវាដូរលុយអស្ចារ្យ ១$ ស្មើ១០០ដុល្លារ គម្រោង Big Love ១$ សើ្ម២៥០$ និងនៅមានច្រើនជាបន្តបន្ទាប់ទៀតនាពេលខាងមុខនេះ»។
ប្រសិនបើអ្នកមិនទាន់មាន ស៊ីមសែលកាតនៅឡើយទេ អ្នកអាច មកទទួលយកស៊ីមសែលកាតដោយឥតគិតថ្លៃនៅការិយាល័យ
Cellcard ក្រុមការងារយើងនឹងជួយពន្យល់បន្ថែមពីការចូលរួម។
សម្រាប់ព័ត៌មានបន្ថែមអំពីការប្រកួតនេះ លោកអ្នកអាចស្វែងរកបាននៅទំព័រ Facebook Cellcard អ្នកទាំងអស់អាចចូលរូម
Super Data Race ដោយឥតគិតថ្លៃ មិនតែប៉ុណ្ណោះក៏ទទួលបានវត្ថុអនុស្សាវរី LightUpKH ទៀតផង៕
