(កំពង់ធំ)៖ កសិករម្នាក់បានស្លាប់យ៉ាងអណោចអាធម ដោយសាររន្ទះបាញ់ ពេលកំពុងដើរបាចស្រូវនៅល្ងាចថ្ងៃទី២៤ ខែមេសា ឆ្នាំ២០១៧នេះ នៅភូមិឃុំកកោះ ស្រុកសន្ទុក ខេត្តកំពង់ធំ។
សមត្ថកិច្ចបានឲ្យដឹងថា ហេតុការណ៍នេះ បានកើតឡើងអំឡុងពេលមានខ្យល់កន្រ្តាក់ លាយឡំភ្លៀងរលឹមស្រិចៗផង មួយសន្ទុះក្រោយមកក៏មានរន្ទះបាញ់ចំកសិករម្នាក់ ឈ្មោះ កោ ស៊ុន អាយុ៤៦ឆ្នាំ រស់នៅភូមិទួលចាន់ ឃុំតាំងក្រសាំង ស្រុកសន្ទុក។
ក្រោយកើតហេតុ សមត្ថកិច្ចធ្វើកុសលវិច័យ និងបានសន្និដ្ឋានថា ជនរងគ្រោះពិតជាស្លាប់ដោយសាររន្ទះបាញ់មែន រួចប្រគល់សពជូនសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕
