(អ៉ីតាលី)៖ តាមសារព័ត៌មាន BBC ចេញផ្សាយនៅយប់ឆ្លងចូលថ្ងៃទី១៦ ខែមេសា ឆ្នាំ២០១៧នេះបានឲ្យដឹងថា លោកយាយ Emma Morano ជាស្រ្តីដែលមាន អាយុច្រើនជាងគេបំផុតលើពិភពលោក អាយុ១១៧ឆ្នាំ បានទទួលមរណភាព នៅផ្ទះលោកយាយក្នុងទីក្រុង Verbania ប្រទេសអ៉ីតាលី។ លោកយាយកើតនៅថ្ងៃទី២៩ ខែវិច្ឆិកា ឆ្នាំ១៨៩៩ នៅតំបន់ Piedmont ប្រទេសអ៉ីតាលី។
លោកយាយ គឺជាមនុស្សម្នាក់ និងចុងក្រោយគេ ដែលបានកើតតាំងពីក្នុងសតវត្សរ៍ទី១៩ ហើយលោកយាយមានបងប្អូនប្រាំបីនាក់ ភាគច្រើនសុទ្ធសឹងមានអាយុវែងៗ៕
