(ពិភពលោក)៖ នៅថ្ងៃទី១៣ ខែមីនា ជាថ្ងៃចន្ទដើមសប្តាហ៍ថ្មីនេះ ព្រឹត្តិការណ៍អន្តរជាតិសំខាន់ៗជាច្រើនបានកើតឡើង ដែលមានទាំងការបង្កើនឥទ្ធិពលយោធា ការសម្រេចការអភិវឌ្ឍថ្មីៗ រួមទាំងហេតុការណ៍អាក្រក់នៅបណ្តាប្រទេសមួយចំនួនទៀត ដែលបានបណ្តាលឲ្យមនុស្សរាប់សិបនាក់បាត់បង់ជីវិត។ ចង់ដឹងថាតើព្រឹត្តិការណ៍នៃរូបភាពសំខាន់ៗមានអ្វីខ្លះ សូមទស្សនារូបភាពនានាដូចខាងក្រោម៖
១៖ ប្រធានាធិបតីចិន លោក ស៊ី ជិនពីង អំពាវនាវឲ្យបង្កើនឥទ្ធិពលយោធាឲ្យបានស៊ីជម្រៅ និងមានការច្នៃបង្កើតថ្មី នៃបច្ចេកវិទ្យា-វិទ្យាសាស្ត្រ ដើម្បីទំនើបកម្មយោធា!
២៖ នៅជាយរដ្ឋធានីប្រទេសអេត្យូពី Addis Ababa អ្នករើសសំរាម ៤៨នាក់ស្លាប់ក្នុងគ្រោះថ្នាក់រអិលបាក់ដី និងគំនរសំរាមសង្កត់ផ្ទះពួកគេ!
៣៖ មេដឹកនាំទីក្រុងហុងកុងលោក Leung Chun-Ying ត្រូវបានតែងជាអនុប្រធាននៃគណៈកម្មាធិការជាតិដ៏មានឥទ្ធិពលបំផុតមួយរបស់ប្រទេសចិន!
៤៖ កិច្ចប្រជុំជុំ០៥ នៃសន្និបាតគណកម្មាធិការជាតិពិគ្រោះយោបល់នយោបាយប្រជាជនចិនលើកទី ១២ ត្រូវបានបិទបញ្ចប់ជាស្ថាពរ!
៥៖ ពិធីបុណ្យប្រជល់ដំរីជាតិរបស់ថៃ ត្រូវបានប្រារព្ធធ្វើឡើងនៅខេត្ត Ayutthaya ដែលចង់បំផុសឲ្យមានការអភិរក្សសត្វដំរីកាន់តែខ្លាំង!
៦៖ ទេសភាពដ៏ស្រស់ត្រកាលនៃទីក្រុង Pingliang ខេត្ត Gansu ភាគពាយ័ព្យប្រទេសចិន ឃើញហើយចង់ទៅដល់ភ្លាម!
៧៖ ក្រុមហ៊ុន Boeing និងក្រុមហ៊ុនផលិតយន្ដហោះចិន (COMAC) នឹងចាប់ផ្ដើមសាងសង់រោងចក្រ នៅឯទីក្រុង Zhoushan ស្ថិតនៅភាគខាងកើតប្រទេសចិនជាលើកដំបូង!
