(ភ្នំពេញ)៖ ស្រាបៀរ Heineken បានបញ្ចេញស្ពតពាណិជ្ជកម្មទូរទស្សន៍មួយស្តីពីការប្រកួតបាល់ទាត់ UEFA Champions League ថ្មីក្រោមចំណងជើងថា  «Prep Talk» ដែល ស្ពតនេះ បង្ហាញពីអ្នកចាត់ការក្លិបម្នាក់ ដែលបានឈ្នះពានក្របខ័ណ្ឌ UEFA Champions League ចំនួនពីរសម័យកាល គឺលោក Jose Mourinho ហើយត្រូវបានថតស្ពតពាណិជ្ជកម្ម ដោយអ្នកដឹកនាំរឿងដែលបានឈ្នះពានរង្វាន់គឺលោក Guy Ritchie។

ស្ពតពាណិជ្ជកម្មនេះ ជាផ្នែកមួយនៃយុទ្ធនាការ «Champion the Match» របស់ស្រាបៀរ Heineken និងចាក់ផ្សាយតាមបណ្តាញ​ទូរទស្សន៍ និងប្រព័ន្ធឌីជីថលស្របពេលជាមួយនឹង ការបើករដូវកាលថ្មី២០១៦ -២០១៧ ដែលស្ពតនេះ បានបង្ហាញលោក Mourinho ដែលនិយាយលើកទឹកចិត្តយ៉ាងក្លៀវក្លា ទៅកាន់អ្នកគាំទ្រ ទូទាំងពិភពលោក។ លោកបានជំរុញឱ្យពួក​គេត្រៀមខ្លួន​សម្រាប់ទស្សនាការប្រកួត មិនថាពួកគេស្ថិតនៅតំបន់ណាក្នុងពិភពលោក និងមិនថាម៉ោងណាក្នុងតំបន់ណាមួយនោះទេ។

លោក Gianluca Di Tondo នាយកជាន់ខ្ពស់នៃម៉ាកសញ្ញាស្រាបៀរ Heineken សាកលលោករបស់ក្រុមហ៊ុន HEINEKEN បានថ្លែង​ថា «ការត្រៀមខ្លួន សម្រាប់ទស្សនាការប្រកួតបាល់ទាត់ ក្របខ័ណ្ឌ UEFA Champions League នាពេលរាត្រីបង្កើន​នូវបទពិសោធន៍កាន់តែល្អប្រសើរ ពិសេសជាមួយនឹងការគិត ការខំប្រឹងប្រែងសម្រាប់អ្នកគាំទ្រ និងមិត្តភ័ក្តិរបស់ពួកគេ នឹងទទួលបានបទពិសោធន៍កាន់តែអស្ចារ្យ។ ប៉ុន្ដែពេលខ្លះចាំបាច់មាន​ការបណ្តុះគំនិតនិងលើកទឹកចិត្តពួកគេ​ឱ្យចូលរួមទស្សនា​ការប្រកួតបាល់ទាត់ ឲ្យបានច្រើនជាមួយលោក Jose Mourinho» ។

លោក Jose Mourinho បានថ្លែងថា «ក្រុមហ៊ុន Heineken បានប្រាស្រ័យទាក់ទងជាមួយខ្ញុំតាមរយៈអាជីពរបស់ខ្ញុំក្នុងក្របខ័ណ្ឌ UEFA Champions League ។ ខ្ញុំចូលចិត្តម៉ាកសញ្ញានេះរាល់អ្វីៗ ដែលតំណាងឱ្យជាពិសេស គឺគោលជំហររបស់ម៉ាកសញ្ញានេះ ក្នុងការជំរុញឲ្យមានការពិសាដោយទទួលខុសត្រូវ ការថតស្ពតនេះ គឺជាបទពិសោធន៍ថ្មីមួយ និងគួរឲ្យរីករាយខ្លាំងណាស់។ លោក Guy Ritchie គឺជាអ្នកបង្ហាត់ដ៏ឆ្នើម ហើយពិតជាទទួលបានអត្ថប្រយោជន៍ច្រើនបំផុតពីខ្ញុំ»។

យុទ្ធនាការនេះ នឹងធ្វើការផ្សព្វផ្សាយ ក្នុងបណ្តាប្រទេសជាង៩០ និងបន្តពេញមួយរដូវកាល ២០១៦-២០១៧។ ចំពោះព័ត៌មាន​បន្ថែម សូមចូលទៅកាន់ទំព័រហ្វេសប៊ុករបស់ស្រាបៀរ Heineken®: www.facebook.com/Heineken/ Heineken® launches new UEFA Champions League campaign, starring Jose Mourinho៕