(ភ្នំពេញ)៖ ក្រុមហ៊ុនប្រេងឥន្ធនៈ SOKIMEX និង TELA បានប្រកាសថា នឹងបញ្ចុះតម្លៃសាំងធម្មតាពី៣៩០០រៀល មកនៅ ៣៨០០រៀល ក្នុង១លីត្រ ចាប់ពីថ្ងៃទី ១ ខែកុម្ភៈ ឆ្នាំ២០១៥តទៅ។ ការអះអាងពីការបញ្ចុះតម្លៃសាំងនេះ ត្រូវបានធ្វើឡើងក្នុងកិច្ចប្រជុំរវាងក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ ក្រសួងរ៉ែ និងថាមពល និងតំណាងក្រុមហ៊ុនចែកចាយប្រេងឥន្ធនៈធំៗចំនួន៨ នៅថ្ងៃម្សិលមិញ នាទីស្តីការក្រសួងពាណិជ្ជកម្ម។ លើសពីនេះក្នុងកិច្ចប្រជុំនោះ តំណាងក្រុមហ៊ុនចែកចាយប្រេងបរទេសផ្សេងទៀត ដូចជា ក្រុមហ៊ុន CALTEX, TOTAL និង PTT នឹងបញ្ជាក់ពីការបញ្ចុះតម្លៃ បន្ទាប់ពីឯកភាពពីថ្នាក់ដឹកនាំប្រចាំតំបន់របស់ខ្លួន៕
