(ភ្នំពេញ)៖ ក្រុមហ៊ុន Campura Triangulum Corporation និង ក្រុមហ៊ុន IBM នាព្រឹកថ្ងៃទី២៤ ខែសីហា ឆ្នាំ២០១៨ បានសហការគ្នា បង្កើតសិក្ខាសាលាមួយ ស្តីអំពី «Gain Competitive Advantages with IBM Flash System & P9 And Backup Solutions» ដើម្បីចែករំលែកនូវចំណេះដឹងក្នុងការគ្រប់គ្រងទិន្នន័យ ដែលសិក្ខាសាលានេះ ធ្វើឡើងនៅសណ្ឋាគារ សូហ្វីតែល ភ្នំពេញ ភូគីត្រា។
លោក ដោក កុសល ប្រធានបច្ចេកទេស របស់ក្រុមហ៊ុន Campura លើកឡើងថា «ក្រុមហ៊ុន Campura ពិតជាមានមោទនភាពជាខ្លាំង ដែលបានក្លាយជាដៃគូតែមួយគត់ ដែលទទួលសិទ្ធិជា IBM Gold Partner ក្នុងការលក់ផលិតផល IBM នៅក្នុងប្រទេសកម្ពុជា ហើយសិក្ខាសាលានេះ គឺផ្តោតលើដំណោះស្រាយផ្នែក IBM Power and Storage Solution ដែលជាផ្នែកមួយដ៏សំខាន់ និងគួរឲ្យយកចិត្តទុកដាក់ពីសំណាក់ អតិថិជនទាំងឡាយ។
លោកបានបន្តរថា IBM គឺជាផលិតផលលេខមួយ ក្នុងពិភពលោកត្រូវបានទទួលស្គាល់ថា ជាផលិតផល ដែលអាចគ្រប់គ្រងទិន្នន័យបានល្អជាងគេ ដោយក្នុងនោះភាពជាដៃគូររវាង Campura និង IBM បានជួយសំរួលដល់អតិថិជននូវរាល់តម្រូវការជាច្រើន ដើម្បីឈានទៅរកភាពជោគជ័យ ហើយលើសពីនេះទៀត Campura ក៏មានអ្នកបច្ចេកទេសដែលមានជំនាញពិតប្រាកដ ដែលមានការទទួលស្គាល់ពី IBM ដើម្បីផ្តល់អោយអតិថិជននូវរាល់សេវាកម្មល្អ មានគុណភាព និងភាពជាដៃគូរយូរអង្វែងជាមួយអតិថិជនផងដែរ។
ជាមួយគ្នានេះ លោក Nguyen Van Hai ជា Storage Solution Sale របស់ក្រុមហ៊ុន IBM លោកក៏បានធ្វើបទបង្ហាញទៅដល់អតិថិជនគ្រប់វិស័យអោយបានស្គាល់ថា IBM Storage គឺជាផលិតផលដែលមានការពេញនិយម និងឈានមុខគេ ព្រមទាំងបានផ្តល់នូវដំណោះស្រាយដ៏ល្អបំផុតជូនដល់អតិថិជនដូចជា ការការពារ និងថែរក្សា Data របស់អតិថិជន។
លោកបានបន្តរថា IBM ត្រូវបានគេទទួលស្គាល់ថា ជាផលិតផលដែលមានប្រសិទ្ធភាពក្នុងការផ្គត់ផ្គង់ ហើយលោកក៏បានថ្លែងអំណរគុណ ទៅដល់អតិថិជនទាំងអស់ដែលតែងតែគាំទ្រក្នុងការប្រើប្រាស់ផលិតផល IBM ដែលមានក្រុមហ៊ុន Campura Triangulum Corporation ជាដៃគូក្នុងការផ្គត់ផ្គង់ និងផ្តល់សេវាកម្មដើម្បីបំពេញតម្រូវការរបស់អតិថិជនក្នុងពេលបច្ចុប្បន្ន និងពេលអនាគត។
លោក Nguyen Van Hai ក៏បានថ្លែងអំណរគុណចំពោះអតិថិជន ដែលបានចូលរួមក្នុងសិក្ខាសាលានេះ ដោយអតិថិជននឹងទទួលបាននូវចំណេះដឹង ក្នុងការផ្គត់ផ្គង់បច្ចេកវិទ្យាទំនើបៗរបស់ក្រុមហ៊ុន IBM ដោយបានណែនាំក្នុងការស្វែងយល់ ពីរបៀបប្រើប្រាស់ដែលជាដំណោះស្រាយដ៏ល្អបំផុត នឹងជួយបង្កើនអាជីវកម្មអោយកាន់តែរីកចំរើន៕
