(ភ្នំពេញ)៖ យោងតាមរបាយការណ៍ផ្លូវការរបស់ រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានបញ្ជាក់ឲ្យដឹងថា នៅឆមាសទី១ឆ្នាំ២០១៧ កម្ពុជាបាននាំចេញផលនេសាទបានជិត១ម៉ឺនតោន។
របាយការណ៍បានឲ្យដឹងថា ចាប់ពីខែមករា ដល់ខែមិថុនា ឆ្នាំ២០១៧ កម្ពុជាបាននាំចេញផលនេសាទស្រស់ ចំនួន៥,៣០០តោន ខណៈផលនេសាទកែច្នៃនាំចេញបាន៣,២០០តោន។
ដោយឡែកសម្រាប់ការប្រមូលចំណូលបានពីវិស័យជលផល នៅឆមាសទី១ឆ្នាំ២០១៧នេះបានចំនួន ១,១០២,០១៦,៤៨៣រៀល។ សម្រាប់ការបង្រ្កាបបទល្មើសជលផលវិញ អនុវត្តន៍បានចំនួន១៦៥៣ករណី ក្នុងនោះបទល្មើសទឹកសាបចំនួន១,៥៥៣ករណី និងបទល្មើសសមុទ្រចំនួន១០០ករណី៕
