(ភ្នំពេញ)៖ ទេសរដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ នឹងបើកកិច្ចប្រជុំជាមួយប្រជាពលរដ្ឋរស់នៅអគារប៊ូឌីញ «ស» ដែលបានចុះកិច្ចសន្យាលក់លំនៅដ្ឋានរបស់ខ្លួន ឲ្យក្រុមហ៊ុន Arakawa របស់ជប៉ុនរួចរាល់ចំនួន៤៤៦គ្រួសារ និងអ្នកមិនទាន់ចុះកិច្ចលក់ចំនួន ៤៧គ្រួសារទៀត (សរុប ៤៩៣គ្រួសារ) នៅថ្ងៃទី៣០ ខែឧសភា ឆ្នាំ២០១៧ ខាងមុខ។

បើតាមមន្រ្តីក្រសួងរៀបចំដែនដី កិច្ចប្រជុំខាងលើនឹងត្រូវធ្វើឡើងចំនួន ២លើកផ្សេងៗគ្នា៖
* លើកទី១៖ លោកទេសរដ្ឋមន្រ្តី ជា សុផារ៉ា នឹងជួបជាមួយប្រជាពលរដ្ឋ ៤៧គ្រួសារ ដែលមិនទាន់ចុះកិច្ចលក់លំនៅដ្ឋានរបស់ខ្លួន ជាមួយតំណាងក្រុមហ៊ុន Arakawa នៅវេលាម៉ោង ៨៖៣០នាទី ព្រឹកថ្ងៃទី៣០ ខែឧសភា ឆ្នាំ២០១៧
* លើកទី២៖ លោកទេសរដ្ឋមន្រ្តី នឹងជួបជាមួយប្រជាពលរដ្ឋ ដែលព្រមចុះកិច្ចសន្យារួចរាល់វិញម្ដង គឺនៅវេលាម៉ោង ២៖៣០នាទី រសៀលថ្ងៃដដែល។

សូមជម្រាបថា កាលពីថ្ងៃទី២២ ខែឧសភា ឆ្នាំ២០១៧ កន្លងទៅ លោកទេសរដ្ឋមន្រ្តី ជា សុផារ៉ា បានជួបប្រជុំជាមួយប្រជាពលរដ្ឋ នៃអគារប៊ូឌីញ «ស» ទាំង៤៩៣គ្រួសារ ជាមួយតំណាងក្រុមហ៊ុន Arakawa មកហើយដែរ ដែលនៅពេលនោះ ប្រជាពលរដ្ឋភាគច្រើន បានយល់ព្រមលក់លំនៅដ្ឋានរបស់ខ្លួនក្នុងតម្លៃ ១,៤០០ដុល្លារអាមេរិក ក្នុងមួយម៉ែត្រការ៉េ។ លើសពីនេះ ក្រុមហ៊ុន Arakawa ក៏បានសន្យាផ្ដល់ប្រាក់ ១០០ដុល្លារអាមេរិក ថែមទៀត ជូនប្រជាពលរដ្ឋសម្រាប់ចំណាយ ក្នុងពេលរុះរើសម្ភាររបស់ខ្លួន។

ខាងក្រោមនេះ ជាសេចក្ដីប្រកាសរបស់ក្រសួងរៀបចំដែនដី នគរូបនីយកម្ម និងសំណង់៖