(ភ្នំពេញ)៖ នៅម៉ោងប្រមាណ ១៩៖០០នាទី ថ្ងៃទី០៥ ខែវិច្ឆិកា ឆ្នាំ២០១៦នេះ កម្មវិធីប្រកួតកីឡាជាតិលើកទី១ បានប្រកាសបិទជាផ្លូវការហើយ ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។
សម្រាប់លទ្ធផលនៃការប្រកួត៖ ក្រុមកីឡាកររាជធានីភ្នំពេញ ជាប់ចំណាត់ថ្នាក់លេខ១ មេដាយសរុបចំនួន១០២, ក្រសួងមហាផ្ទៃ ចំណាត់ថ្នាក់លេខ២ មេដាយសរុប៥៩, ក្រសួងការពារជាតិ ចំណាត់ថ្នាក់លេខ៣ មេដាយសរុប៥៥។
សូមជំរាបថា នៅថ្ងៃបិទកម្មវិធី «ប្រកួតកីឡាជាតិ» នេះសង្កេតឃើញថា មានប្រជាពលរដ្ឋយ៉ាងច្រើនកុះករ បានចូលរួមទស្សនា និងអបអរសាទរ នូវព្រឹត្តិការណ៍ប្រវត្ថិសាស្រ្តរបស់កម្ពុជាមួយនេះផងដែរ៕
