(ភ្នំពេញ)៖ លោក ប៉ា សុជាតិវង្ស អភិបាលរាជធានីភ្នំពេញបានឲ្យដឹងថា ការងារការដ្ឋានបន្ទប់ទឹក បង្គន់សាធារណៈក្នុងសួនកុមារ និងមុខវត្តបទុមវតី បានធ្វើការសម្រេចបាន៩៥ភាគរយហើយ។
លោកបានបញ្ជាក់តាម Facebook ផ្លូវការរបស់លោក នៅថ្ងៃទី ២៧ ខែតុលា ឆ្នាំ២០១៦ថា ការសាងសងនេះ ធ្វើឡើងដើម្បីបង្កលក្ខណៈងាយស្រួល ជូនប្រជាពលរដ្ឋដែលមកលំហែកំសាន្ត នៅសួនច្បារសាធារណៈ រដ្ឋបាលរាជធានីភ្នំពេញ ។
លោកបញ្ជាក់ទៀតថា ការសាងសងនេះបង្គន់សាធារណៈនៅទីតាំងសួនច្បារបទុមវតី ចំនួន២ទីតាំង សរុបចំនួន៣២បន្ទប់ ដោយក្នុងសួនកុមារមានចំនួន១៣បន្ទប់ និងជាប់ផ្លូវ ស៊ូ ស្រ៊ុន ចំនួន១៩បន្ទប់៕
