(មូស្គូ)៖ សារព័ត៌មានរុស្ស៊ី Izvestiya បានរាយការណ៍នៅថ្ងៃព្រហស្បតិ៍នេះថា ក្រសួងការពារជាតិរុស្ស៊ី បានបិទបញ្ចប់ជាស្ថាពរហើយ នូវការបង្កើតកងអង្គភាពយន្ដហោះទម្លាក់គ្រាប់ធុនធ្ងន់ថ្មីមួយ នៅតំបន់ ភាគខាងកើតនៃប្រទេស។ នេះបើតាមការចុះផ្សាយដោយ ទីភ្នាក់ងារសារព័ត៌មានចិន ស៊ិនហួរ នៅល្ងាចថ្ងៃព្រហស្បតិ៍ ទី០៦ ខែតុលា ឆ្នាំ២០១៦។
Izvestiya បានឱ្យដឹងទៀតថា អង្គភាពយោធាថ្មីនេះ ត្រូវបានបង្កើតឡើងដោយ សមាសភាព កងអនុសនាធំជាច្រើន ក្នុងនោះរួមមានយន្ដហោះទម្លាក់គ្រាប់បែកធុន Tu 95MS និងយន្ដហោះ ទម្លាក់គ្រាប់បែករយៈចំងាយឆ្ងាយធុន Tu-22M3។
គួររំលឹកថា បើតាមសារព័ត៌មាន Izvestiya យន្ដហោះយោធាទំាងនេះ នឹងធ្វើប្រតិបត្តិការល្បាតនៅតំបន់ មហាសមុទ្រប៉ាស៊ីហ្វិក ក្បែរប្រទេសជប៉ុន កោះហាវ៉ៃ និង កោះហ្គាំជាដើម៕
