(ភ្នំពេញ)៖ កម្លាំងនគរបាលជាតិ នៅថ្ងៃទី០៥ ខែសីហាម្សិលមិញ បានបង្ក្រាបបទល្មើសជួញដូរ រក្សា និងប្រើប្រាស់ថ្នាំញៀន១០ករណី ឃាត់មនុស្ស២៦នាក់ (ស្រី៥នាក់) ក្នុងនោះមុខសញ្ញាជួញដូរ ១៥នាក់ និងមុខសញ្ញាប្រើប្រាស់១១នាក់ រឹបអូសបានមេតំហ្វេតាមីន (ice) ១៣.៤១ក្រាម និង១៨២កញ្ចប់តូច, មេតុំហ្វេតាមីន (wy) ៣.៤៦ក្រាម នេះបើតាមការចុះផ្សាយរបស់ គេហទំព័រអគ្គស្នងការ នគរបាលជាតិ។
ទីតាំងដែលបង្ក្រាបបានរួមមានទី១-មន្ទីរប្រឆាំងគ្រឿងញៀន បង្ក្រាប២ករណី ឃាត់ខ្លួនម្នាក់, ទី២-ភ្នំពេញ៖ បង្ក្រាប៣ករណី ឃាត់ខ្លួន៧នាក់, ទី៣-កណ្ដាល បង្ក្រាប១ករណីឃាត់ខ្លួនម្នាក់, ទី៤-បន្ទាយមានជ័យ បង្ក្រាប១ករណីឃាត់ខ្លួន១១នាក់, ទី៥-ក្រចេះ បង្ក្រាប១ករណីឃាត់ខ្លួន៤នាក់, ទី៦-ត្បួងឃ្មុំ បង្ក្រាប១ករណីឃាត់ខ្លួនម្នាក់ និងទី៧-បាត់ដំបង បង្ក្រាប១ករណីឃាត់ខ្លួនម្នាក់៕
