(ភ្នំពេញ)៖ រដ្ឋាករទឹកស្វ័យក្រុងភ្នំពេញ បានបញ្ជាក់នៅព្រឹកថ្ងៃទី២៦ ខែកក្កដានេះថា ការភ្ជាប់បំពង់មេនាំទឹកថ្មីទំហំ ៥០០មីល្លីម៉ែត្រ ជំនួសបំពង់បច្ចុប្បន្ននៅលើផ្លូវ១០៨ ចាប់ពីផ្លូវខាងក្រោយ ធនាគារកាណាឌីយ៉ា ដល់ផ្លូវលេខ៦១ ស្ថិតនៅក្នុងសង្កាត់ស្រះចក ខណ្ឌដូនពេញ នៅយប់មិញនេះ បានបញ្ចប់ជាស្ថាពរ ដែលអាចឲ្យបងប្អូនប្រជាពលរដ្ឋ នៅខណ្ឌដូនពេញ ក្នុងសង្កាត់វត្តភ្នំ សង្កាត់ផ្សារកណ្តាល១ ផ្សារកណ្តាល២ សង្កាត់ផ្សារចាស់ និងសង្កាត់ផ្សារថ្មី មានទឹកស្អាតប្រើប្រាស់ដូចធម្មតា។

លោក ម៉ាណូ រ៉ាវីន ប្រធាននាយកដ្ឋានផលិតកម្ម និងផ្គត់ផ្គង់ទឹកនៃរដ្ឋាករទឹកស្វយ័តក្រុងភ្នំពេញ បានឲ្យដឹងថា «រដ្ឋាករទឹក សូមការយោគយល់អធ្យាស្រ័យ ពីប្រជាពលរដ្ឋលើករណីនេះ ហើយប្រសិនបើមានបញ្ហាផ្សេងៗ លើសេវាផ្គត់ផ្គង់ទឹក ដូចជាទឹកមានសភាពល្អក់ជាដើមនោះ មេត្តាផ្តល់ព័ត៌មានដល់យើងខ្ញុំៗ នឹងបញ្ជូនអ្នកជំនាញទៅពិនិត្យដោះស្រាយជូនភ្លាមៗ តាមទូរស័ព្ទលេខ ០៩៧ ៧៧១១១៧៥ »