(តាកែវ)៖ នៅម៉ោង១១៖៥៥នាទីព្រឹក ថ្ងៃទី២៥ ខែកក្កដា ឆ្នាំ២០១៦នេះ សពលោកប​ណ្ឌិត កែម ឡី បានបញ្ចុះរួចរាល់ហើយ នៅគេហដ្ឋាន​កំណើតសព នៅស្រុកត្រាំកក់ ខេត្តតាកែវ។

ក្នុងពិធីបញ្ចុះសព លោកប​ណ្ឌិត កែម ឡី នាព្រឹកថ្ងៃដដែលនេះក៏មានការចូលរួមពី ក្រុមគ្រួសារសពរួមមាន អ្នកស្រី ប៊ូ​ រចនា​ភរិយា រួមនឹង កូនប្រុសទាំង៤ របស់លោក កែម ឡី និង ញាតិមិត្តរួមទាំង ប្រជាពលរដ្ឋយ៉ាងច្រើនកុះករចូលរួមផងដែរ។

គួរបញ្ជាក់ថា តាំងពីព្រឹកព្រលឹម ថ្ងៃទី២៤ ខែកក្កដា ឆ្នាំ២០១៦ សពលោក កែម ឡី ត្រូវបានដង្ហែចេញពីវត្តចាស់ ស្ថិតនៅក្នុងខណ្ឌជ្រោយចង្វារ រាជធានីភ្នំពេញ ហើយក្បួនដង្ហែនេះ បានធ្វើដំណើរមកដល់ គេហដ្ឋានកំណើតរបស់សព លោក កែម ឡី នៅព្រលប់ថ្ងៃដដែល៕