(ភ្នំពេញ​)៖​ នៅ​ថ្ងៃ​ទី​២១​ ខែកក្កដា​ ឆ្នាំ​២០១៦ម្សិលមិញ​ មាន​ករណី​គ្រោះថ្នាក់​ចរាចរណ៍ ​នៅ​ទូ​ទាំង​ប្រទេស​កើតឡើង​ចំនួន​១២​លើក​ (​យប់​៤​លើក​)​ បណ្តាលឲ្យ​មនុស្ស​ស្លាប់​៧​នាក់​ រង​របួសធ្ងន់​៨​នាក់​​ និង​របួសស្រាល​៤​នាក់​ នេះបើយោងតាមការចុះផ្សាយរបស់គេហទំព័រ អគ្គស្នងការនគរបាលជាតិ។​

​ប្រភពព័ត៌មានដដែលបញ្ជាក់ថា នៅ​ក្នុង​ហេតុការណ៍​គ្រោះថ្នាក់​ចរាចរណ៍​ទាំង​ ១២​លើក​នេះ​ បណ្តាល​ឲ្យ​ខូចខាត​យានយន្ត​ សរុប​ចំនួន​១៨​គ្រឿង​ រួម​មាន​ម៉ូតូ​ចំនួន​១០​គ្រឿង​ រថយន្ត​ធុន​តូច​ចំនួន​៧​គ្រឿង​ រថយន្ត​ធុន​ធំ​ចំនួន​១​គ្រឿង​ ហើយមូលហេតុ​ដែល​បណ្តាល​ឲ្យ​កើត​មាន​ករណី​គ្រោះថ្នាក់​ចរាចរណ៍​ រួម​មាន​ល្មើស​ល្បឿន​៤​លើក​,​ មិន​គោរព​សិទ្ធិ​៣​លើក​, ​បត់​គ្រោះថ្នាក់​៣​លើក,​ ស្រវឹង​១​លើក​ និង​កត្តា​យានយន្ត​។​ ក្នុង​នោះ​អ្នក​មិន​ពាក់មួក​សុវត្ថិភាព​ ពេល​គ្រោះថ្នាក់​ចរាចរណ៍​១១​នាក់។​

នៅ​ថ្ងៃ​ទី​២១​ ខែកក្កដា​ ឆ្នាំ​២០១៦​ លទ្ធិ​ផល​ត្រួតពិនិត្យ​អនុវត្ត​ច្បាប់​ចរាចរណ៍​ផ្លូវគោក​ឃើញ​ថា​ យានយន្ត​ដែល​ល្មើស​សរុប​ទូ​ទាំង​ប្រទេស​មាន​ចំនួន​ ២,៧៨៦​គ្រឿង​ ក្នុងនោះ​បាន​ធ្វើការ​អប់រំ​ចំនួន​១,១១៦​គ្រឿង​ និង​ពិន័យ​សរុប​ ចំនួន​១,៦៧០​គ្រឿង​៕​

http://image.freshnewsasia.com/2016/ID-020/fn-2016-07-21-15-43-24-0.png