(ភ្នំពេញ)៖ លោក ប៉ឹល កុសល អភិបាលខណ្ឌសែនសុខនៅថ្ងៃទី០៧ ខែមិថុនា ឆ្នាំ២០១៦នេះ បានរៀបចំប្រារព្ធទិវាបរិស្ថានជាតិ និងបរិស្ថានពិភពលោក៥មិថុនា ក្រោមប្រធានបទ «ចូលរួមទាំងអស់គ្នា ដើម្បីពិភពលោកស្រស់ស្អាត» ក្នុងសាលាខណ្ឌសែនសុខ។
ការប្រារព្ធទិវានេះក៏មានការចូលរួមពីលោកស្រីអភិបាលរងខណ្ឌ សមាជិកាក្រុមប្រឹក្សាខណ្ឌ នាយកសាលា ការិយាល័យពាក់ព័ន្ធនិងមន្រ្តី ខណ្ឌជាច្រើននាក់ទៀត។ នៅថ្ងៃនេះលោកអភិបាលខណ្ឌ បានរៀបចំត្រៀមដើមឈើ ចំនួន៥០០ដើមសម្រាប់ចែកជូនតាមបណ្តាសាលា រៀន ក្នុងខណ្ឌទាំងអស់ ដើម្បីដាំទុកសម្រាប់លំអសោភ័ណ្ឌភាពបរិស្ថាន ក្នុងខណ្ឌ និងចូលរួមសម្អាតបរិស្ថានតាមរយៈ ការដើររើសសម្រាម តាមទីធ្លាវត្តអារាម សាលារៀន និងតាមផ្សារនានា ក្នុងខណ្ឌផងដែរ៕
