(បាងកក)៖ ព័ត៌មានស៊ិនហួចុះផ្សាយនៅយប់ថ្ងៃទី៣ ខែមិថុនា ឆ្នាំ២០១៦ បានឲ្យដឹងថា ប៉ូលិសថៃ បានចោទប្រកាន់មនុស្ស ២២នាក់ រួមទាំងព្រះសង្ឃ ៣អង្គផងដែរ ពីបទជួញដូរសត្វព្រៃ និង បានដកហូតខ្មោចសត្វព្រៃមួយចំនួនទៀត រួមមានខ្លាឃ្មុំ ១ក្បាល និង ខ្លារខិន ១ ក្បាល ពីប្រាសាទខ្លា (Tiger Temple)។

ប្រាសាទនេះ ស្ថិតក្នុងខេត្ត Kanchanaburi ភាគខាងលិចក្រុង Bangkok ជាតំបន់ទេសចរណ៍ទាក់ទាញភ្ញៀវទេសចរដ៏សំខាន់មួយក្នុងប្រ ទេសថៃ។ រយៈពេលជាង ២ទសវត្សន៍មកហើយ ភ្ញៀវទេសចរ ត្រូវចំណាយ ៦០០បាត ( ១៧ដុល្លារអាម៉េរិក) សម្រាប់ការចូលទៅថតរូបជា មួយសត្វខ្លា។ សកម្មជនសត្វព្រៃ បានចោទប្រកាន់បា្រសាទពីការចិញ្ចឹមខ្លាខុសច្បាប់ ខណៈភ្ញៀវទេសចរមួយចំនួន បានរិះគន់តាមប្រព័ន្ធអ៉ីន ធើណេតថា សត្វខ្លានៅទីនោះ ត្រូវបានចាក់ថ្នាំសន្តំ។ អ្នកគ្រប់គ្រងប្រាសាទបានច្រានចោល ការចោទប្រកាន់នេះ។

លោក ​Adisorn Nuchdamrong មកពីមន្ទីរឧទ្យាន្តជាតិថៃ បានឲ្យដឹងថា មនុស្ស ២២នាក់ ត្រូវបានចោទប្រកាន់ពីបទកាន់កាប់ និង ជួញ ដូរសត្វព្រៃ ក្នុងនោះ ១៧នាក់ ជាសមាជិកមូលនិធិប្រាសាទ និង ៣អង្គជាព្រះសង្ឃ កំពុងព្យាយាមគេចខ្លួន ជាមួយរថយន្ត ១គ្រឿង ផ្ទុក ពេញដោយសត្វខ្លា។

ការចោទប្រកាន់នេះ ត្រូវបានធ្វើឡើងបន្ទាប់ពីមានការរកឃើញខ្មោចកូនសត្វខ្លា ៤០ក្បាល នៅក្នុងទូរទឹកកក។ គេមិនទាន់ដឹងច្បាស់ថាហេតុ អ្វីបានជាខ្មោចកូនខ្លាទាំងនោះ ត្រូវបានរក្សាទុក ថ្វីបើឆ្អឹង និងបំណែក នៃសត្វខ្លា ត្រូវបានប្រើប្រាស់ជាឱសថបុរាណចិន។ មន្ទីរសត្វព្រៃថៃ បានចាប់ផ្តើមវាយឆ្មក់ចាប់ចូលទៅបង្រ្កាបបទល្មើសនៅប្រាសាទនេះកាលពីថ្ងៃចន្ទ សប្តាហ៍កន្លងទៅ។

មានសត្វខ្លា ១៣៧ក្បាលនៅក្នុងប្រាសាទ ហើយមាន ១១៩ក្បាល ត្រូវបានដកហូត។ មូលនិធិសត្វព្រៃពិភពលោក បានឲ្យដឹងនៅខែមេសា ថា ចំនួនសត្វខ្លាព្រៃ នោះលើពិភពលោកមានប្រមាណ ៣,៨៩០ក្បាល ហើយប្រទេសថៃមានជាង ១០០ក្បាល៕