(ភ្នំពេញ)៖ នៅថ្ងៃទី០8 ខែឧសភា ឆ្នាំ២០១៦នេះ សាលាអន្តរជាតិ American Bridge បានរៀបចំការប្រកួតកីឡាបាល់ទាត់ជុំទី១ សប្តាហ៍ទី៧ រវាងសាខា និងសាខា នៅទីលាន។

ដោយនៅ​វេលាព្រឹកថ្ងៃអាទិត្យនេះ មានការប្រកួតចំនួន២គូ រវាង U13  សាខាទី ១៥ ប្រកួតជាមួយ U13 សាខាទី១១ និង U13 សាខាទី០២ ប្រកួតជាមួយ U13  សាខាទី១៤។  ចំណែកពេល​រសៀលគឺមាន U19 សាខាទី០៣ ប្រកួតជាមួយ U19 សាខាទី០៩ និង U13  សាខាទី០៣ប្រកួតជាមួយ U13 សាខាទី០៦ ដើម្បីសន្សំពិន្ទុ ឈានទៅវគ្គបន្ត។

សូមជំរាបថា សាលារៀនអន្តរជាតិអាមេរិកាំងប្រ៊ីជ បានបើកដំណើរការចំនួន១៧សាខាហើយ ក្រោយពីមានការគាំទ្រពីសំណាក់បងប្អូនជាមាតាបិតា។ ចំពោះសាខាទី១៧ ទើបនឹងសម្ពោធនៅថ្ងៃទី២៩ ខែកុម្ភៈកន្លងទៅថ្មីៗ សាលារៀនអន្តរជាតិអាមេរិកាំងប្រ៊ីជ នឹងប្រឹងប្រែងឲ្យអស់ពីសមត្ថភាព ធ្វើយ៉ាងណាឲ្យសិស្សានុសិស្សទទួលបានជោគជ័យក្នុងវិថីសិក្សាអប់រំនេះ៕