(ភ្នំពេញ)៖ នៅថ្ងៃទី២៥ ខែមីនា ឆ្នាំ២០១៦នេះ បញ្ជាការដ្ឋានអង្គរក្ស បានសេចក្តីលិខិតបដិសេធមួយ ចំពោះសារព័ត៌មានក្នុងស្រុកមួយ បានចុះផ្សាយនៅថ្ងៃទី២៣ ​ខែមីនា​ ឆ្នាំ២០១៦​ ដែលប្រជាពលរដ្ឋ​អះអាងថា​ ឈ្មោះ ហេង​ ការីម​ ជាអង្គរក្សសម្តេច​នាយករដ្ឋមន្ត្រី​ ដោយបានរំលោភយកដីធ្លីជាមួយប្រជាពលរដ្ឋ​ នៅក្នុងស្រុក​ម៉ាឡៃ​នោះ គឺមិនមានឈ្មោះ​បុគ្គលនេះ ក្នុងបញ្ជាការដ្ឋាននោះទេ។​

នៅក្នុងលិខិតរបស់បញ្ជាការដ្ឋានអង្គរក្ស បានបញ្ជាក់ថា​៖ អង្គរក្សគឺមានតួនាទី​ការពារ​ សន្តិសុខ​ សវត្តិភាព​ ជូន​ថ្នាក់ដឹកនាំសម្តេច​តេ​ជោ​ និងសម្តេច​ កិត្តិព្រឹទ្ធបណ្ឌិត​ ព្រមទាំង​មន្ត្រីជាន់ខ្ពស់ជាតិ​ និង​អន្តរជាតិតែប៉ុណ្ណោះ​។ បញ្ជាការដ្ឋានសូមសំណូមពរ​ដល់អាជ្ញាធរដែនដី​ និងមន្ត្រីមានសមត្ថកិច្ច​ ស្វែងរកជនខិលខូចដែលយកឈ្មោះ​ «អង្គរក្ស​សម្តេច​តេជោ​» យកទៅផ្តន្ទាទោសតាមផ្លូវច្បាប់ជាធរមាន៕