(ព្រះសីហនុ)៖ អភិបាលខេត្តព្រះសីហនុ លោក គួច ចំរើន នៅថ្ងៃទី២៣ ខែមេសា ឆ្នាំ២០២១នេះ បានសម្រេចបញ្ចប់ជាមណ្ឌលចត្ដាឡីស័ក ចំពោះអគារស្នាក់នៅ និងកាស៉ីណូអាត្លង់ទិច ទីក្រុងកំសាន្ដ ស្ថិតនៅផ្លូវពូឡូវ៉ៃ ភូមិ៤ សង្កាត់លេខ៤ ក្រុងព្រះសីហនុ។

សេចក្ដីសម្រេចដែលបណ្ដាញព័ត៌មាន Fresh News ទទួលបានរដ្ឋបាលខេត្តព្រះសីហនុ បានបញ្ជាក់ថា ក្រោយបញ្ចប់ចត្តាឡីស័ក ម្ចាស់កាស៉ីណូអាត្លង់ទិច ទីក្រុងកំសាន្ដ ត្រូវអនុវត្តឲ្យបានម៉ឺងម៉ាត់តាមវិធានការ «៣ការពារ និង៣កុំ» របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសេចក្ដីណែនាំរបស់ក្រសួងសុខាភិបាល។

គួរជម្រាបថា ការសម្រេចបញ្ចប់ជាមណ្ឌលចត្តាឡីស័កនេះ គឺដោយសារមិនមានអ្នកឆ្លងជំងឺកូវីដ១៩ ចេញពីទីតាំងនេះបន្ដទៀត ក្រោយផ្អាកបណ្ដោះអាសន្នមួយរយៈពេលកន្លងទៅ៕