(ភ្នំពេញ)៖ កម្មវិធី «តន្ត្រីមហាសប្បាយ Pocari Sweat» សម្រាប់ថ្ងៃសុក្រ ទី១២ ខែកុម្ភៈនេះ នឹងធ្វើឲ្យទស្សនិកជនកាន់តែសប្បាយរីករាយ កំសាន្តអារម្មណ៍ ជាមួយតារាចម្រៀងល្បីប្រចាំប្រទេសកម្ពុជាដូចជា លោក ខាន់ ជែមស៍, កញ្ញា ផន ស្រីខួច, វីរៈសិល្បករខាងចម្រៀងអាយ៉ៃឆ្លើយឆ្លង លោក ព្រហ្ម ម៉ាញ និងអ្នកនាង វ៉ាន់ ឆវី ចាប់ពីម៉ោង ៧៖០០នាទី ដល់ម៉ោង ៩៖០០នាទីយប់ ពិសេសជាងនេះទៅទៀត ទស្សនិកជននឹងផ្ទុះសំណើចក្អាកក្អាយជាមួយក្រុមកំប្លែង CBS ផងដែរ។

ទស្សនិកជនអាចទស្សនាដោយសេរី និងរីករាយជាមួយកម្មវិធី «តន្ត្រីមហាសប្បាយ Pocari Sweat» នៅស្ថានីយទូរទស្សន៍ CNC ឫស្សីកែវ ឬអាចទស្សនាតាមរយៈការផ្សាយបន្តផ្ទាល់ជាមួយ Fresh News TV នៅលើទូរស័ព្ទដៃ និងនៅលើគេហទំព័រ បានយ៉ាងងាយស្រួលផងដែរ។

សូមរង់ចាំទស្សនាការផ្សាយបន្តផ្ទាល់ «តន្ត្រីមហាសប្បាយ Pocari Sweat» ជាមួយ Fresh News TV ចាប់ពីម៉ោង ៧៖០០នាទី ដល់ម៉ោង ៩៖០០នាទីយប់នេះកុំបីខាន៕