(ភ្នំពេញ)៖ នៅថ្ងៃទី១២ ខែកុម្ភៈ ឆ្នាំ២០១៦នេះ លោក ពេជ្រ ស្រស់ ប្រធានគណបក្សយុវជនកម្ពុជា បានសេចក្តីអំពាវនាវមួយដោយ ស្នើឲ្យបងប្អូនប្រជាពលរដ្ឋខ្មែររក្សានូវភាពស្ងៀមស្ងាត់ កុំធ្វើបាតុកម្មប្រឆាំងសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅសហរដ្ឋអាមេរិក ខណៈដែលសម្តេចអញ្ជើញចូលរួមកិច្ចប្រជុំពិសេសនៅទីនោះ។
ប្រធានគណបក្សយុវជនកម្ពុជា វ័យក្មេងរូបនោះបានបញ្ជាក់ថា «គណបក្សនយោបាយចំនួនពីរ កំពុងប្រើប្រាស់បងប្អូនជាឈ្នាន់ ដើម្បីចង់យកឈ្នះចាញ់រៀងៗខ្លួន ដោយហេតុអ្នកគាំទ្របក្សនីមួយៗប្រកាសធ្វើបាតុកម្មឆ្លើយឆ្លងគ្នាជារឿយៗ តាមបណ្តញសង្គមហ្វេសបុក ជាដើមចមនៃការបាតុកម្មនោះ ប្រឆាំងនាយករដ្ឋមន្រ្តី ទៅបំពេញបេសកកម្មនៅសហរដ្ឋអាមេរិក ដូច្នេះសកម្មភាពបែបនេះ វាមិនបានឆ្លុះបញ្ចាំងពីសាមគ្គីភាពរវាងខែ្មរ និងខ្មែរនោះឡើយ»។
ខាងក្រោមនេះជាសេចក្តីអំពាវនាវ របស់គណបក្សយុវជនកម្ពុជា៖
